Rrëfimi prekës i Abidal: Doja t’i inkurajoja, por Messi refuzoi

Postuar: 12/01/2018 - 16:56

Eric Abidal ngriti trofeun e Champions League të vitit 2011, madje edhe me shiritin e kapitenit vetëm për atë ndeshje, pasi ishte rikthyer nga operacioni i parë kundër tumorit në mëlçi. Një moment që përloti shumë futbolldashës dhe ndoshta mund të konsiderohet si një nga fotot më të bukura të futbollit të viteve të fundit.

Megjithatë, pas triumfit në fushë dhe fitores së parë ndaj sëmundjes, mbrojtësi i majtë francez u desh të luftonte sërish, derisa më në fund bëri transplantin e mëlçisë një vit më vonë.

E gjithë kjo histori vuajtjesh dhe triumfi është rikthyer sërish në qendër të vëmendjes nga vet lojtari, i cili ka rikujtuar gjithçka gjatë një interviste të dhënë për "Canal Plus" me ish-shokun e tij të Kombëtares franceze, Olivier Dacourt.

Muaj gjatë të cilave, siç shprehet ai, u kthye në një "kufomë që ecte". Dy ishin episodet që ranë më shumë në sy gjatë intervistës.

Një herë i kishte dërguar një video inkurajimi shokëve të skuadrës katalanase, por reagimi i tyre e bëri të kuptonte realisht kushtet në të cilat po jetonte, mes jetës dhe vdekjes.

"Disa prej shokëve më kanë parë teksa isha dobësuar shumë. Regjistrova një video përpara një ndeshjeje të rëndësishme, për t’iu thënë që të mos shqetësoheshin për mua, sepse ishte njësoj si të isha atje me ata. E dini se si m’u përgjigj Messi? Të mos u dërgoja më video të atilla, sepse do t’u kisha shkaktuar efektin e kundërt", rrëfen Eric Abidal.

"Mendoja se do të kishte një efekt pozitiv, kështu që u shkruajta forca djema. Por ata më shihnin asokohe si një kufomë që ecte, e kjo i trishtonte shumë", thotë më tej Abidal.

Më pas tregoi mes emocioneve të mëdha edhe për vizitën e Henry që i kishte bërë në New York."Kur e pashë në fund të korridorit nisa të qaja si fëmijë. Nuk doja që të më shihte në atë gjendje, por m’u bë shumë qejfi që erdhi të më takonte", shprehet Abidal.

Sa i përket periudhës së dhimbshme, tregon: "Kisha një dhimbje të tmerrshme, që nuk e kisha ndierë kurrë në jetë. Ishte e padurueshme, si një thikë që ngulej ngadalë në një plagë të hapur. Madje, kur mjeku më thoshte se do t’i nënshtrohesha një tjetër operacioni, mund të duket e çuditshme, por gëzohesha", mbyll intervistën Abidal.

/portali DurresLajm/

Na bëni like në facebook!: 

Lajme nga e njëjta kategori

   Presidenti i Federatës Shqiptare të Futbollit, Armando Duka ishte në Korçë sot, ku i dha titullin kampion Skënderbeut dhe bëri edhe nj

   Nëse në Shkodër ka lot, për rënien e Vllaznisë në Kategorinë e Parë, në Korçë ka festë dhe fishekzjarre.

   Bie Vllaznia, shpëton Kamza ndërsa Luftëtari dhe Laçi sigurojnë kualifikimin në Europa League.

Një kompani e njohur dhe e fuqishme kanadeze në pronësi të Michael Latifi, i cili është babai i pilotit kolaudator të skuadrës së Force I

Argjentina humbet një nga tre portierët e listës përfundimtare pak më shumë se tri javë nga starti i Botërorit.

Atalanta e Fiorentina po fërkojnë duart pas përgjigjes negative të UEFA-s për drejtuesit e Milanit, të cilët kishin propozuar një marrëve

Shumë tifozë të Gjilanit kishin udhëtuar drejt Pejës për të ndjekur ndeshjen finale mes Prishtinës dhe Dritës.

Presidenti i Ganës, Nana Akufo-Addo, ka urdhëruar arrestimin e kreut të Federatës së Futbollit të këtij vendi, Kwesi Nyantakyi, njëkohësi

Carlo Ancelotti dhe Aurelio De Laurentiis, tri orë në një takim kokë më kokë në kryeqytetin italian, Romë.

Gianni De Biasi është shumë pranë kthimit në stol, por mbetet për t’u përcaktuar në krye të një klubi apo të një kombëtareje.