Kompania Apple gati të hedhë në treg modelin e ri të iPhone

Postuar: 12/09/2017 - 16:36

Kompania Apple do të prezantojë sot modelin e ri të iPhone, që koinçidon me 10-vjetorin e hedhjes në treg të këtij produkti. Telefoni i ri pritet t’i përgjigjet kërkesës së tregut për prurje inovative e teknologji të avancuar, kërkesa këto që do të vijnë me një çmim jo pak të kripur për të gjithë mirëdashësit e iPhone dhe kompanisë.

Një dekadë pasi Steve Jobs i prezantoi botës iPhone-n e parë, kompania Apple bëhet gati të hedhë në treg modelin më të ri e të rikonceptuar të produktit të saj kryesor. Eventi për hedhjen në treg do të organizohet në Teatrin e Steve Jobs në kampusin e ri Apple Park – që njihet si krijimi i fundit i Jobs, përpara se ai të ndahej nga jeta në vitin 2011.

Kompania Apple shpreson se telefoni i ri që pritet të quhet iPhone X, do t’i provojë të kundërtën kritikëve që thonë se kompania ka humbur sharmin e saj në sjelljen e inovacioneve. iPhone X do të ketë një ekran në madhësinë e aparatit, me ngjyra më të pasura dhe me teknologjinë e njohjes së fytyrës për të hapur telefonin, pa nevojën për një lexues të gjurmëve të gishtërinjve apo për një buton fizik që kryen këtë funksion.

Apple gjithashtu do të hedhë në treg edhe dy modele të tjera, iPhone 8 dhe iPhone 8 Plus, që vijnë si një përmirësim i modeleve të mëparshme 7 dhe 7 Plus. Sidoqoftë, entuziastët mund të hasin në një pengesë. Produktet e reja vijnë me një çmim tepër të kripur, që duket se do të kapërcejnë pragun prej 1,000 dollarësh.

/portali DurresLajm/

Na bëni like në facebook!: 

Lajme nga e njëjta kategori

   Apple është gati t'i thotë lamtumirë përgjithmonë Touch ID, sistemi i njohjes së gjurmëve dixhitale që shërben për të zhbllokuar një i

   Rrjeti social më i madh, Facebook ka shfaqur probleme gjatë ditës së sotme.

Telefonat e zgjuar apo smartphone-t siç njihen ndryshe, kryefjala e fundit e teknologjisë, janë përqafuar vitet e fundit nga pjesa dërrmu

   WhatsApp po ndërton një shërbim të ri, i cili do të jetë krejtësisht i pavarur nga versioni normal i këtij aplikacioni.

   Messengeri i Facebook -ut ka një opsion të fshehur, shumë më të mirë nga ky që njohim të gjithë.

Me përditësimin për shfletuesit e Chrome dhe Opera, është e mundur të shihni se kur emaili që keni dërguar Gmail është i hapur dhe i lexu

   Raketat “supersonike” mund të nisin Luftën e Tretë Botërore nëse kombet e fuqishme shfaqin tendenca dhune, paralajmërojnë ekspertët.

Google ka prezantuar kufjet e reja të quajtura Pixel Buds, të cilat janë të dizajnuara që të punojnë më së miri me smartfonët e rinj, Goo

Ka gjithnjë opsione të ndryshme kur bëhet fjalë për të blerë një smartphone të ri.

   Toyota po teston një veturë me dy timonë, të quajtur Toyota Platform 2.1 Test Mule.