Dr. Adrian Anastasi: Zbulimet arkeologjike në liqenin e Pogradecit tashmë nën kujdesin e UNESCO-s

09/07/2019 - 13:55

Shpallja e pjesës shqiptare të liqenit të Ohrit si pasuri e UNESCO-s do të mundësojë vijimin e kërkimeve dhe gërmimeve arkeologjike në pjesën nënujore, sipas standardeve të këtij organizmi ndërkombëtar. 

Arkeologu nënujor Adrian Anastasi tha se restaurimi dhe muzealizimi i objekteve dhe banesave palafite, tashmë të zbuluara nën ujë, do të kenë të njëjtat standarte.

Arkeologu durrsak, që drejton prej vitesh kërkimet në liqenet e Ohrit dhe Prespës, tha se zbulimet e deritanishme në liqenin e Ohrit kanë nxjerrë në dritë tre vendbanime të mëdha prehistorike, me moshë deri 6-mijëvjeçare. Dy prej tyre i përkasin periudhës neolitike dhe një tjetër periudhës së bronzit.

“Lajmin e mirë e mora gjatë një takimi pune me prof. dr. Albert Hafner, drejtor i Institutit të Arkeologjisë në Universitetin e Bernës dhe anëtar i Komitetit Nderkombëtar të Trashëgimisë Kulturore Nënujore i ICOMOS. Prof. Hafner me kolegët e tij arritën të përfshijnë në mbrojtje nga UNESCO të gjitha sitet e palafiteve në liqenet alpine të Zvicrës, rreth 56 të tillë.

“Të njejtën gjendje kam patur edhe unë ditën e vendimit pozitiv nga UNESCO për vendin tim”, më tha prof. Hafner-shtoi dr. Adrian Anastasi.

Dr. Adrian Anastasi shton se turistët në të ardhmen do të vizitojnë site të cilat i përkasin trashëgimisë kulturore botërore, pjesë e UNESCO-s. Shqipëria do të jetë realisht kontribuese në botë, me kulturën e saj të zbulimeve arkeologjike nënujore.

Dokumentacioni i zbulimeve në liqenin e Pogradecit ka shërbyer për plotësimin e dosjes që përgatiti Ministria e Kulturës, Instituti i Arkeologjisë dhe organizma të tjerë institucionalë.

Sipas dr. Anastasit, vënia nën kujdesin e UNESCO-s do t'i shërbejë edhe tërheqjes së fondeve për kërkime shkencore dhe për laboratore.

Gëzim Kabashi

/portali DurresLajm/

Na bëni like në facebook!: 

Lajme nga e njëjta kategori

Një “Benz” i braktisur në autostradën Durrës-Tiranë, i vjedhur më herët gjatë shtatorit, ka marrë flakë dhe është djegur plotësisht.

Specialistët për Hetimin e Krimit Ekonomik e Financiar në Drejtorinë Vendore të Policisë Elbasan kane proceduar në gjendje të lirë ish-dr

Sipas MeteoAlb, alternime kthjellimesh dhe vranësirash do të alternojnë kushtet e motit në vendin tonë paraditen e sotme, ndërsa në pjesë

Marsida Qatja vijon të mbetet ende një çështje në diskutim për mënyrën, sesi ndodhi ngjarja në shtëpinë e saj.

Emisioni investigativ “Fiks Fare”, ka kryer një investigim tre mujor, ku është zbuluar se si zv/ministri i Shëndetësisë në Maqedoninë e V

Kryeministri Edi Rama duhej të merrte pjesë në ceremoninë e 10-vjetorit të Fondit Shqiptaro-Amerikan të Zhvillimit që u zhvillua mbrëmjen

Ministrat e Jashtëm të katër vendeve anëtare të BE-së, kanë bërë thirrje për hapjen e bisedimeve për anëtarësim me Maqedoninë e Veriut dh