"Cili është libri i fundit që keni lexuar?" Si përgjigjen qytetarët në Durrës (VIDEO)

24/10/2019 - 17:14

Thonë që libri është miku ynë më i mirë, por cili është i fundit që qytetarët e Durrësit kanë lexuar?

Një pyetje sa e sikletshme për ata që kopertinat iu kanë zënë merimanga edhe e dhimbshme për realitetin e hidhur që nxjerr në pah....

Të rinjtë zgjedhin të ngrenë duart lart, si për t’u shfajësuar për kohën që iu merr telefoni, interneti dhe shoqëria, ndërsa ata në moshë më të rritur nuk e kanë problem aspak të përgjigjen.

Dikush nuk e mban mend kur ka lexuar për herë të fundit, e dikush tjetër nuk ka asnjë autor të preferuar apo bibliotekë aty ku banon, e duke u ndalur te kjo e fundit, ka nga ata që nuk e dinë rrugën që të çon për në këtë institucion.

Detaje këto që tregojnë qartë raportin e njeriut të sotshëm me librin, raport mes të cilit ka hyrë dukshëm telefoni, i pandashëm nga duart e të rinjve sidomos.

Në vitin 2016, ministrja e Kulturës në atë kohë, Mirela Kumbaro shpalli tetorin-muajin e leximit, në mënyrë që të orientojë të rinjtë dhe jo vetëm drejt kulturës së të lexuarit, drejt kënaqësisë që të dhuron libri.

Kësaj nisme i është bashkuar edhe Biblioteka e Durrësit, e cila jo vetëm në tetor por gjatë gjithë vitit organizon një sërë aktivitetesh letrare.

Por pavarësisht këtyre përpjekjeve, për fat të keq është një përqindje e vogël njerëzish që zgjedhin të përthithin dije prej fletëve të librit.

Sigurisht që ky mendim nuk krijohet vetëm nga disa vox pope të marra në qendër të Durrësit, ndaj po sjellim në vëmendjen tuaj të dhënat e publikuara nga INSTAT në gushtin e 2018-ës, ku thuhej se mbi 1 milionë shqiptarë nuk kanë arritur të lexojnë asnjë libër në harkun kohor të një viti.

G.D.

/portali DurresLajm/

Video: 
Na bëni like në facebook!: 

Lajme nga e njëjta kategori

Flamuri turk me gjysmëhënë është shfaqur në godinën e Universitetit Politeknik të Tiranës.

Pas vdekjes së kompozitorit të njohur Avni Mula ka reaguar edhe lideri i opozitës, Lulzim Basha.

Pak pas vdekjes së kompozitorit të njohur Avni Mula, ka ardhur reagimi i kryeministrit Edi Rama.

Pedagogu Arlind Qori ka lajmëruar se është infektuar me Covid-19 dhe është shëruar.

Pesë punonjës të Shërbimit të Hemodializës në Qendrën Spitalore “Nënë Tereza” kanë rezultuar pozitiv me COVID-19.

Rektorja e Universitetit "Aleksandër Moisiu", Kseanela Sotirofski ka zhvilluar sot një takim me drejtorin e Dhomës së Tregtisë dhe Indust

Ministria e Shëndetësisë ka informuar lidhur me situatën epidemiologjike në 24 orët e fundit të COVID19 në Shqipëri.

Zv/ministrja e Shëndetësisë, Mira Rakacolli ka njoftuar se Komiteti Teknik i Ekspertëve ka propozuar masa shtesë për frenimin e përhapjes

Guvernatori i Bankës së Shqipërisë, Gent Sejko preket nga koronavirusi.

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.