Koncert për mbylljen e sezonit turistik në Durrës (VIDEO)

30/08/2018 - 12:38

Një koncert që shenjoi përmbylljen me sukses të sezonit turistik veror, u zhvillua mbrëmë te zona e “Sfinks”-it në shëtitoren e Durrësit.

Koncerti filloi gjatë pasdites, kur disa DJ të ndryshëm performuan rryma muzikore me ritme të përshtatshme për buzë detit, ndërsa një grup valltarësh sollën nëpërmjet dinamikës së tyre traditën me pjesë të zgjedhura të rajonit.

Më pas në skenë u ngjitën duo-ja e kitaristëve Sokol Shehu e Einar Nelku, që luajtën për publikun për rreth një orë këngë të zgjedhura nga repertori botëror dhe ai shqiptar.

Koncerti në pikun e tij vazhdoi me notat e zjarrta të grupit rrok “Kaçinari – Band” që e elektrizoi publikun e sidomos të rinjtë. Për të bërë pjesë të tyren edhe moshat e mesme, ata ftuan publikun të këndonin bashkë me ta, disa hite të vjetra të repertorit shqiptar si ato të Luan Zhegut, Aleksandër Gjokës apo Ardit Gjebreas.

Në fund kantautori Kujtim Prodani e ndezi tërë publikun me këngët e repertorit të tij. Ai zgjodhi ta niste interpretimin e tij me një këngë ndër më të dashurat për qytetarinë durrsake, këngën e marinarit që krijoi një atmosferë fantastike tek të gjithë të pranishmit.

Këtë verë, atmosfera kulturore në Durrës ishte mjaft e ngjeshur me veprimtari që i sollën kënaqësi jo vetëm qytetareve durrsakë, por edhe turistëve të shumtë që zgjodhën këtë qytet për të kaluar pushimet e tyre.

/portali DurresLajm/

Video: 
Na bëni like në facebook!: 

Lajme nga e njëjta kategori

Detaje të reja zbulohen për vrasjen e 26-vjeçarit Jurgen Kurti mbrëmjen e djeshme në rrugën “Zef Jubani” pranë stadiumit ‘Selman Stërmasi

Ministri i Brendshëm Sandër Lleshaj ka mbërritur mëngjesin e kësaj të marte në qytetin e Durrësit.

Mot i kthjellët dhe vranësira të lehta e kalimtare dominojnë në pjesën më të madhe të territorit gjatë paradites.

Majlinda Bregu është kthyer në Tiranë.

Komisioni i BE për Punët e Jashtme (AFET) dhe Liritë Civile, Drejtësisë dhe Punët e Brendshme (LIBE) kritikuan Shqipërinë dhe vendet e tj

Komisioneri për zgjerim në Bashkimin Evropian, Johannës Hahn ka zhvilluar një takim me ambasadorin e BE në Shqipëri, Luigi Soreca.

Këshilli i Lartë i Prokurorisë do të mblidhet ditën e nesërme në orën 10:00 për të çelur garën për zgjedhjen e Prokurorit të Përgjithshëm

Një tjetër denoncim nga qyteti i Durrësit, ku përmes një videoje tregohet se si po shkatërrohet historia dhe trashëgimia kulturore e një

Ministria e Brendshme e quan akt terrorist shpërthimin me tritol në një shtyllë të tensionit të lartë në Fushë-Krujë.