Besimtarët myslimanë falin namazin e Kurban Bajramit në ambientet e jashtme të Xhamisë së Madhe (VIDEO)

31/07/2020 - 09:23

Besimtarët myslimanë festojnë ditën e sotme festën e Kurban Bajramit, por për herë të dytë si në Fitër Bajram, në kushtet e masave anti-covid.

Për shkak të pandemisë Covid-19, falja e Kurban Bajramit në Durrës u mbajt në ambientet e jashtme të Xhamisë së Madhe, ku u mblodhën dhjetëra besimtarë.

Myftinia kishte marrë të gjitha masat për respektimin e protokollit të sigurisë duke vendosur në oborrin e xhamisë vijëzimet përkatëse për t’u garantuar besimtarëve distancimin fizik.

Imami i kësaj xhamie, Ervin Qylafku, në mesazhin e tij për besimtarët myslimanë bën për apel për solidarizim mes njerëzve, jo vetëm gjatë kësaj dite të shënuar, por përgjatë gjithë ditëve të vitit.

“Simbolika e kësaj feste nuk është vetëm derdhja e gjakut, që nënkupton sakrifikimin, por e rëndësishme është që kushdo nga ne të sakrifikojë duke hequr dorë nga të gjitha veprimet që janë të dëmshme për shoqërinë”, shprehet imami Qylafku.

Çfarë simbolizon Kurban Bajrami?

Sipas traditës islame, kjo festë nderon gatishmërinë e Ibrahimit që të flijojë djalin e tij, Ismailin, si vepër e nënshtrimit ndaj urdhrit të Zotit, para se Zoti të ndërhyjë, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë.

Emërtimi “Kurban Bajrami” në gjuhën shqipe është huazim nga turqishtja – Kurban Bayramë, që do të thotë “Festa e Flijimit”.

Ushqimet për Kurban Bajramin

Sigurisht përbërësi kryesor që zë vend në tavolinën e festës së Kurban Bajramit është mishi i therur për këtë festë.

Mishi nga kafsha e flijuar, ndahet në tre pjesë: Familja mban një të tretën; një e treta tjetër jepet për të afërmit, shokët dhe fqinjët; ndërsa një e treta e mbetur u ndahet të varfërve dhe nevojtarëve.

Zakonisht për këtë festë një nga pjatat që nuk mungon është supa.

Supë e thjeshtë me lëng mishi, vezë, limon, pak miell dhe erëza.

Byrek me barishte ose vezë dhe djathë, ose vezë me kos

Sigurisht mishi nuk mungon asnjëherë në tavolinën e kësaj feste. I pjekur në furrë me patate ose thjesht i gatuar për t’u vendosur në anë të pjatës me orizin e gatuar.

Sallatat e çdo tipi, me perime të gatuara, të freskëta etj.

Së fundmi në “modë” janë futur dhe gatimet e prodhimeve të detit. Lëreni fantazinë t’ju udhëheqë në kuzhinë.

Ndërsa ëmbëlsirat më të preferuara janë sigurisht ato tipike turke: bakllavaja, revanija, shëndetlia, sheqerparet, por sigurisht mund ta kaloni gëzuar dhe me ndonjë tortë të blerë apo ëmbëlsirën që preferoni.

Duhet të keni parasysh që në tavolinën e Kurban Bajramit nuk duhet të ketë asnjë gatim me mish derri dhe asnjë pikë alkool.

/portali DurresLajm/

Video: 
Na bëni like në facebook!: 

Lajme nga e njëjta kategori

Gjykata e Posaçme kundër Krimit e Korrupsionit zhvillon sot seancën gjyqësore për anëtarin e KPA-së, Luan Daci.

Një ngjarje në kufijtë e të pabesueshmes ka ndodhur më 15 tetor në kryeqytet.

Ministria e Infrastrukturës dhe Energjisë njofton se ministrja Belinda Balluku, rezultoi pozitiv pas testimit për COVID 19.

Vendi ynë sot do të mbizotërohet nga alternime kthjellimesh dhe vranësirash duke sjellë mot të kthjellët por që herë pas here do të zëven

Ministria e Bujqësisë ka vendosur rreth 2 muaj afat në dispozicion të fermerëve dhe agrobizneseve që kërkojnë të aplikojnë me hapjen e th

Drejtoresha e ISHP-së Albana Fico ka folur rreth mundësisë për t'u kthyer sërish në karantinë.

Universiteti “Aleksandër Moisiu” në Durrës do të presë më 2 nëntor rreth 8.500 studentë të ciklit të parë Bachelor, më shumë se 2.000 pre

Organizata Botërore në Shqipëri shkruan në Facebook, se obeziteti rrit ndjeshëm shanset për pasoja të rënda te pacientët me COVID-19.

Sekretari amerikan i Shtetit, Mike Pompeo, në Forumin e Ballkanit Kundër Anti-Semitizmit, vlerësoi popullin shqiptar për mbrojtjen e hebr

Presidenti i Parlamentit Europian, David Sassoli gjatë fjalës së tij në Forumin e Antisemitizmit, vlerësoi lart rolin e Shqipërisë në his