12 të prekur nga COVID-19 në Elbasan. E infektuar dhe gruaja e pronarit të restorantit pranë Gjykatës- vatra e epidemisë

08/04/2020 - 10:27

Në Elbasan ka shkuar në 12 numri i rasteve të prekur nga Koronavirusi. Sipas burimeve zyrtare, pjesa dërrmuese e të prekurve janë banorë të lagjes “5 Maji” në qytetin e Elbasanit. Rasti më i fundit është i një 40 vjeçareje e cila rezulton të jetë bashkëshortja e 46-vjeçarit, pronar i restorantit të njohur që ndodhet pranë Gjykatës së Rrethit Gjyqësor të Elbasanit i cili prej fillimit të javës rezultoi i infektuar me Covid 19 dhe ndodhet i shtruar në spitalin “Shefqet Ndroqi”.

Restoranti i çiftit dyshohet se mund të ketë qenë vatra nga ku është përhapur Koronavirusi në Elbasan. Kjo sipas mjekëve epidemiologë shpjegohet me faktin se rreth 90% e rasteve që rezultojnë pozitiv në Elbasan kanë qenë frekuentues të restorantit në fjalë edhe gjatë javës së kaluar pasi ai ka qëndruar i hapur në fshehtësi të autoriteteve dhe dyshohet se është frekuentuar edhe nga gjykatës e prokurorë gjatë periudhës së vetë izolimit duke zbuluar kështu edhe anën e panjohur të një skandali me pasoja për shëndetin dhe jetën e qytetarëve, raporton "BW".

Gjatë fillim javës u raportua se pronari i restorantit pranë Gjykatës së Elbasanit ishte i prekur nga Covid 19 dyshohet se ka shfaqur probleme të rënda shëndetësore, ashtu sikurse të tjerët që kanë dalë pozitiv dhe se është dërguar me urgjencë po gjatë të hënës në spitalin “Shefqet Ndroqi ” për shkak të gjendjes së rënduar. Aktualisht gjatë gjatë ditëve të fundit në qytetin e Elbasanit u janë marrë tamponët edhe 13 personave të tjerë për të cilët pritet përgjigja përfundimtare .

Ndērkohë autoritetet shëndetësore kanë bërē thirrje që të gjithë ata kanë frekuentuar restorantin e dyshuar si vatra e infektimit duhet të vetë karantinohen me patjetër dhe të informojnë Hetimin Epidemiologjik për gjendjen aktuale shëndetësore të tyre dhe familjarëve.

/portali DurresLajm/

Na bëni like në facebook!: 

Lajme nga e njëjta kategori

Zbulohen detaje të reja në lidhje me atë që po ndodh në burg, me shqiptarin Aleksandër Luca, i dënuar me burgim të përjetshëm për dhunimi

Regjisori Robert Budina nga Kukësi ka thënë se pasi të përfundojë turi për mbledhjen e gjihë firmave të peticionit, Aleanca do organizojë

Në kuadër të masave për parandalimin e përhapjes së koronavirusit, bashkia e Durrësit vendosi në fillim të muajit prill që në tregun e fr

Analisti Fatos Lubonja, i ftuar në studion e lajmeve në News 24, komentoi aktualitetin politik, duke u ndalur tek reforma zgjedhore. Ai t

Forumi për Mbrojtjen e Trashëgimisë Kulturore ka publikuar formimin e personave, të cilët ishin pjesë e grupit të punës, të cilët vendosë

Aleanca për Mbrojtjen e Teatrit i është drejtuar me një letër publike kreut të Partisë Demokratike, Lulzim Basha, ku i kujton kontratën q

Edhe dietologia Blerina Bombaj ka dalë kundër nismës së kryeministrit Edi Ramës për të bërë pa makina të dielat nga tetori deri në mars 2

Sot ka filluar puna për riparimin e bankinave në shëtitoren Taulantia në Durrës.