20 orë nën rrënoja, Klajdi-doktorit: Më dhe forcë gjatë 2 orëve më të vështira dhe të gjata të jetës time

15/12/2019 - 21:33

Kryetari i Bashkisë Tiranë, Erion Veliaj në “E Diela Shqiptare” ka treguar një mirënjohje të madhe për mjekun Grei Malo, Koordinator i Qendrës Vullnetare të Emergjencave Civile në fushën e shëndetësisë.  

“Rasti i këtij doktori, është një djalë që e kam njohur në punët e Bashkisë, në qëndrën tonë të emergjencave. Këtë djalin e pashë në televizor teksa po ndihmonte të dilte nga rrënojat dhe po jepte ndihmën e parë, për një djalë në Durrës. Dhe i thashë këtyre të stafit, ky është çuni jonë, është doktori jonë. Dhe duhet ta pranoj që u ndjeva shumë krenar, që pashë një çun, i cili i ishte përkushtuar skuadrës sonë që ishte kyç në shpëtimin e një prej të mbijetuarve në Durrës”.

Mjeku ishte i pranishëm në gjithë operacionin që zgjati 20 orë për shpëtimin e Klajdi Qatos. Ai tregon gjithë peripecitë dhe vështirësitë e hasura për nxjerrjen e tij nga rrënojat.

“Rreth orës 10 -10 e 30 dëgjoj ovacione nga qindra njerëz që ishin mbledhur aty, që është gjallë dhe brohorisnin me hare, për të dhënë lajmin e mirë, që një njeri ishte gjallë nën rrënoja. Ky është Klajdi Qato dhe tani fillon përpjekja titanike për shpëtimin e tij, për ta nxjerrë atë nga rrënojat. U futa nën rrënoja, gradualisht derisa mbërrita në pikën më të afërt me të, iu prezantova: Përshëndetje Klajdi jam mjeku, ne jemi bashkë, gjithçka do shkojë mirë. Le të themi shumë gënjeshtra të bardha, për të mirën shëndetësore të Klajdit, pacientit tim në ato momente. Gjëja kryesore në këtë operacion ishte që futëm kontaktin me radio, nën rrënoja. Tani imagjinoni çdo familjar ka nën rrënoja një fëmijë, por nuk flet dot. Dhe menjëherë, mbaj mend kur frekuenca që po fliste nga jashtë ishte babai i tij. Ishte një gjë se përshkruaj dot me fjalë, tepër pozitive”.

Dhe për ta falenderuar personalisht mjekun, 28-vjeçari Klajdi Qato ishte në studion e “E Diela Shqiptare”.

Kam ardhur të të falenderoj edhe një herë për forcën që më dhe, gjatë 2 orëve më të vështira dhe më të gjata të jetës time. Bisedat që patëm bashkë, që disa i kemi bërë publike dhe disa jo, më dhanë optimizëm që unë arrita të jem këtu ku jam sot. U mbusha me shpresë që do ia dal. Gjithashtu të falenderoj pa masë dhe për diçka tjetër, që ti ke qëndruar pranë meje dhe familjes time edhe pas ndodhisë së 26 Nëntorit, duke i dhënë kurajo prindërve të mi, sidomos mamasë time, që e përballoi shumë keq situatën dhe ndodhet nën kujdesin e mjekëve. Të falenderoj nga zemra doktor”, tha i riu./tvklan.al 

/portali DurresLajm/

Video: 
Na bëni like në facebook!: 

Lajme nga e njëjta kategori

Bashkia e Durrësit ka publikuar emrat e fituesve të konkurseve për plotësimin e vakancave në 10 vende të lira pune, kryesisht si speciali

Deri ne datën 26 nëntor 2019 kur gjatë tërmetit që u mori jetën 51 qytetarëve dhe u shpallën te pabanueshëm qindra objekte, kjo godinë is

Specialisti civil pranë Forcës Detare në Plepa, Shefqet Kërcelli, përmes një postimi në Facebook, ka hedhur dritë mbi historinë 40-vjeçar

Mejte Shera, nëna e dy vëllezërve që vranë Abdulla Budllën, ka treguar para policisë se si një lidhje intime që ajo kishte me 71-vjeçarin

Mjeku Pëllumb Pipero gjatë një interviste televizive në abc neës, bëri të ditur se shifrta e rasteve aktive në vend duhet të jenë 2 apo 3

Ish-deputetja e LSI-së, Nora Malaj, fiton betejën dhe shërohet nga koronavirusi.

Pas reagimit zyrtar të ambasadës amerikane mbi veprimtarinë e SPAK dhe Policisë, ku theksohej se këto institucione nuk mund të shantazhoh

Ambasada amerikane në Tiranë, thotë se SPAK duhet të lejohet të bëjë punën pa kërcënime dhe kanosje, pavarësisht kush është i pandehur.

Zbardhen detaje të reja nga ngjarja makabre në Pogradec, ku Olsi Çekiçi vrau nënën e tij.

Ministria e Shëndetësisë ka përditësuar të dhënat e fundit lidhur me situatën e Covid-19 në vendin tonë.