8 vite më parë grevist i urisë, nga sot drejtor i portit të Durrësit (FOTO)

23/02/2018 - 20:42

   Lirimi i befasishëm nga detyra i drejtorit ekzekutiv të portit të Durrësit Artjan Qirici u shoqërua menjëherë me emrin e pasuesit të tij në këtë post.

Siç bëri të ditur më herët DurrësLajm, Qirici u zëvendësua nga ish-drejtori i AKU-së Afrim Bakaj. Deri në janar të 2016, Bakaj mbante postin e drejtorit të Autoritetit Kombëtar të Ushqimit, por u detyrua të jepte dorëheqjen pas marrëveshjes politike PS-PDIU.

Kryeministri Rama ra dakort me kreun e PDIU-së, Shpëtim Idrizi që kjo drejtori në shkallë vendi t’i kalonte partisë së çamëve dhe Bakaj u detyrua të largohej vetë nga posti.

Po kush është Afrim Bakaj?

Socialistët e Durrësit e njohin si një nga figurat e njohura të kësaj partie në qytetin bregdetar dhe një nga miqtë e afërt të kryebashkiakut Vangjush Dako.

Para detyrës së drejtorit të AKU-së, Bakaj ka mbajtur poste të rëndësishme në administratën e bashkisë së Durrësit pasi ka qenë drejtor i parkut të autobusëve dhe kryetar i policisë ndërtimore të bashkisë së qytetit bregdetar.

Madje lidhja e ngushtë Dako-Bakaj mund të jetë një nga arsyet kryesore të emërimit të tij në postin e drejtorit ekzekutiv të portit.

Në të njëjtën kohë, Bakaj, nga viti 2016, është votuar si delegat për qarkun e Durrësit në kongresin e PS-së.

Gjithsesi lidhjet e tij me PS-në janë të hershme. Bakaj i është bashkuar edhe grevës së urisë që zhvilloi PS në vitin 2010, kur kërkoi transparencën e procesit zgjedhor, që sipas socialistëve ishte manipuluar nga maxhoranca qeverisëse.

Siç duket qartë në këtë foto, Bakaj është një nga grevistët e urisë, ndërsa shfaqet në krah të kryeministrit aktual Edi Rama (në atë kohë lideri i opozitës) së bashku me grevistë të tjerë.

Në janar të vitit 2016, Afrim Bakaj la detyrën e kreut të Autoritetit Kombëtar të Ushqimit, duke u bërë “kurbani” i radhës i marrëveshjeve politike për zgjerimin e koalicionit mazhoritar qeverisës.

Sot ai e sheh veten drejtor i portit më të madh në vend dhe ndoshta emërimi i tij bëri “kurban” Artjan Qiricin.

/portali DurresLajm/

Na bëni like në facebook!: 

Lajme nga e njëjta kategori

Ka nisur edhe sot, protesta e banorëve të Unazës së re, të cilët kundërshtojnë ndërtimin e projektit të "Unazës së Madhe" që prek banesat

Drejtuesja e Prokurorisë së Krimeve të Rënda, Donika Prela do t’i nënshtrohet procesit të vetingut më 22 janar.

Ministria e Brendshme njofton se Drejtoria e Përgjithshme e Gjendjes Civile, për shkak të fluksit të aplikimeve për karta ID, ka urdhërua

MeteoAlb parashikon për këtë të shtunë mot me vranësira dhe reshje shiu e dëbore të cilat do vijojnë gjatë paradites në të gjithë territo

Asambleja e Personelit Akademik në Fakultetin e Drejtësisë, me anë të një deklarate për mediat bën të ditur se mbështesin protestën e stu

Hekuran Hoxha, 48-vjeçari i vënë në pranga sot në kuadër të operacionit “Vol-Vo 4”, gjatë të cilit u goditën 4 grupe kriminale, akuzohet

Këshilli Rajonal i Urdhrit të Farmacistëve në Tiranë, pas denoncimeve të vazhdueshme në lidhje me problemin e vonesave në pagesën e rimbu

E motra e Taulant Ballës, për të treguar që i vëllai ka qenë nxënës e student shembullor, dhe për të hedhur poshtë akuzat për plagjiaturë

Ndërkohë që protesta e studentëve vazhdon me bojkot dhe ngujim në të gjithë universitetet e vendit pedagogët paralajmërojnë me pershkallë