Adriatik Llallës i sekuestrohen pasuritë nga SPAK

03/12/2020 - 17:32

Adriatik Llallës, ish-prokurorit te përgjithshëm që do gjykohet për fshehje te te ardhurave, tanimë me vendim të Prokurorisë së Posaçme kundër Korrupsionit dhe Krimit të Organizuar Tiranë, do t’i sekuestrohen dhe pasuritë.

Në njoftimin e SPAK thuhet se duke marrë në konsideratë rezultatet e hetimeve pasurore të kryera,  ka paraqitur në Gjykatën e Posaçme kundër Korrupsionit dhe Krimit të Organizuar kërkesën për sekuestrimin e pasurive në zotërim të Adriatik Llallës.

Njoftimi

Prokuroria e Posaçme kundër Korrupsionit dhe Krimit të Organizuar Tiranë, mbi bazën e verifikimeve pasurore të kryera në kuadër të proçedimit penal nr.65 viti 2019, ka regjistruar hetimin pasuror me nr.11 viti 2020, për pasuritë në zotërim të shtetasit Adriatik Llalla, ish Prokuror i Përgjithshëm i Republikës së Shqipërisë.

Prokuroria e Posaçme duke marrë në konsideratë rezultatet e hetimeve pasurore të kryera, bazuar në kërkesat e ligjit nr.10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë”, të ndryshuar, ka paraqitur në Gjykatën e Posaçme kundër Korrupsionit dhe Krimit të Organizuar kërkesën për sekuestrimin e pasurive në zotërim të shtetasit Adriatik Llalla.

Me vendimin me nr.19, datë 23.11.2020 të Gjykatës së Posaçme të Shkallës së parë kundër Korrupsionit dhe Krimit të Organizuar, është vendosur masa pasurore e sekuestrimit të pasurisë për pasuritë e paluajtshme të shtetasit Adriatik Llalla, si më poshtë vijon:

Pasuria e paluajtshme nr.39/146-ND+1-21, zona kadastrale nr.8518, e llojit apartament banimi, me sipërfaqe 67.2 m², ndodhur në Durrës, blerë me kontratën nr.432 Rep dhe nr.221 Kol, datë 19.03.2012;

Pasuria e paluajtshme nr.64/40, zona kadastrale nr.3091, volume 3, faqe 195, e llojit tokë arë, me sipërfaqe 4.500 m², blerë me kontratën nr.972 Rep dhe nr.546 Kol, datë 05.12.2016;

Pasuria e paluajtshme nr.64/61, zona kadastrale nr.3091, volumi 4, faqe 198, e llojit tokë arë, me sipërfaqe 12.300 m², ndodhur në Tiranë, blerë me kontratën nr.316 Rep dhe nr.187 Kol, datë 15.03.2017;

Pasuria e paluajtshme nr.64/62, zona kadastrale nr.3091, volumi 4, faqe 199, e llojit tokë arë, me sipërfaqe 3000 m², ndodhur në Tiranë, blerë me kontratën nr.315 Rep dhe nr.186 Kol, datë 15.03.2017;

Pasuria e paluajtshme nr.64/58, zona kadastrale nr.3091, volumi 4, faqe 195, e llojit tokë arë, me sipërfaqe 2250 m², ndodhur në Tiranë, blerë me kontratën nr.573 Rep dhe nr.376 Kol, datë 15.05.2017;

Hetimet pasurore janë në vazhdim dhe ende nuk kanë përfunduar. Masa e sekuestrimit të pasurive të paluajtshme në këtë rast është vendosur duke u bazuar në ligjin nr.10192, datë 03.12.2009 dhe kjo masë parandaluese është autonome nga proçesi penal që është duke u zhvilluar ndaj shtetasit të mësipërm.

/portali DurresLajm/

Na bëni like në facebook!: 

Lajme nga e njëjta kategori

Akademiku Artan Fuga si anëtar i Akademisë së Shkencave është distancuar nga studimi i fundit mbi imunizimin e popullsisë ndaj COVID-19.

Ministria e Shëndetësisë dhe Mbrojtjes Sociale na njeh me situatën e COVID19 në 24 orët e fundit si vijon:

Prej disa ditësh, vendi është përfshirë nga një mot i acartë, ndërsa temperaturat pritet të shkojnë deri në -15 gradë C në zonat malore.

Ministrja Ogerta Manastirliu dhe përfaqësues të Komitetit Teknik të Ekspertëve dolën sot në një komunikim me mediat për të njoftuar mbi s

Prokuroria mbylli hetimet për vrasjen e Jurgen Kurtit, i riu që njihej ne Tiranë si menaxheri i vipave.

Autoriteti Rrugor Shqiptar iu bën thirrje drejtuesve të mjeteve të përdorin zinxhirët në disa akse rrugore të vendit, për shkak të motit

Në ditën e 6-të nga nisja e vaksinimit kundër Covid-19 në Shqipëri, dozat e para të vaksinës Pfizer po i marrin mjekët dhe infermierët e

Gjatë gjithë natës, në qarkun e Korçës kanë vijuar reshjet e dëborës me intensitet të lartë, të shoqëruara dhe me erëra të forta në zonat

Bashkia e Durrësit njofton se po vijon punën e përditshme për pastrimin dhe mbajtjen në gatishmëri të plotë të infrastrukturës kulluese p

Një video e cila ka qarkulluar së fundmi në rrjetet sociale ka alarmuar autoritete greke të ushtrisë.