Aksion gjatë natës, policia bën bilancin! Ç’ndodh në Tiranë-Durrës (VIDEO)

25/02/2018 - 13:13

Policia Rrugore e Tiranës bën bilancin e fundjavës, duke raportuar atë që ka ndodhur gjatë natës në aksionet më të fundit të efektivëve të Rrugores.

Policia bën me dije se është konstatuar se mjetet, në orët e vona të natës, qarkullojnë me shpejtësi dy herë më shumë se limiti i lejuar. 

BILANCI

Policia Rrugore e Tiranës e angazhuar për rritjen e parametrave të sigurisë rrugore në fundjavë.

Në autostradën Durrës-Tiranë dhe në të gjitha rrugët e brendshme të Tiranës.

Policia Rrugore e Tiranës, me qëllim parandalimin e aksidenteve rrugore, ka shtuar prezencën e saj në rrugë gjatë fundjavës.

Me Radar e Drager, në autostradë dhe në rrugët e qytetit, për të parandaluar, evidentuar dhe ndëshkuar ata drejtues mjetesh që qarkullojnë me shpejtësi tej normave të lejuara, si dhe ata që drejtojnë mjetin nën ndikimin e alkoolit apo në gjendje të dehur.

Gjatë 48 orëve të fundit janë arrestuar 6 drejtues mjetesh, nga këta:

2 për drejtim mjeti në gjendje të dehur, si dhe 4 për drejtim mjeti pa leje drejtimi.

Gjithashtu  janë tërhequr 68 Leje Drejtimi për të dalë në OASH, nga këto:

  • 33 Leje Drejtimi për shpejtësi tej normave të lejuara në qendra të banuara.

  • 22 Leje Drejtimi për drejtim të automjetit nën ndikimin e alkoolit apo në gjendje të dehur .

  • 13 Leje Drejtimi për shkelje të tjera.

Janë kryer 829 alkool teste, ku ka rezultuar se:

22 drejtues mjetesh drejtonin mjetin nën efektin e alkoolit apo në gjendje të dehur, 121 drejtues mjetesh kishin konsumuar alkool por brenda limiteve të lejura, ndërsa 686 drejtues mjetesh kanë rezultuar 0.00 mg/l.

Kontrollit me Drager i janë nënshtruar edhe automjetet e transportit publik(taxi), ku 2 prej tyre kanë rezultuar se kishin konsumuar alkool por brenda limiteve të lejuara.

Gjithashtu, në drejtim të shpejtësisë, tre drejtuesve të automjeteve (taxi), u është tërhequr leja e drejtimit për të dalë në OASH, për shpejtësi tej normave të lejuara si në autostradë, ashtu edhe në rrugët e qytetit.

Po gjatë kontrollit me Radar, gjatë 48 orëve të fundit, është konstatuar se mjetet, në orët e vona të natës, qarkullojnë me shpejtësi dy herë më shumë se limiti i lejuar. 

Gjithashtu , në zbatim të Planit Operacional të datës 22.02.2018 të Departamentit të Sigurisë Publike “Për zbatimin e legjislacionit rrugor nga përdoruesit e rrugës dhe parandalimin e ngjarjeve rrugore”,  kontrollet kanë konsistuar edhe në konstatimin dhe ndëshkimin e atyre që nuk përdorin rripin e sigurimit , qarkullojnë pa kaskë mbrojtëse, përdorin celularin gjatë drejtimit të automjetit si dhe nuk respektojnë  shpejtësinë, veçanërisht në qendrat e banuara dhe në afërsi të vendkalimeve të këmbësorëve, ku gjatë këtyre kontrolleve janë verifikuar dhe ndëshkuar drejtuesit e mjeteve me   :

* 125 masa administrative për mosvendosje të rripit të sigurimit

 * 131 masa administrative për përdorim të celularit gjatë drejtimit të mjetit

* 60 masa administrative për mosvendosje të kaskës mbrojtëse

* 9 masa administrative për shkelje të semaforit 

* 11 masa administrative për mungesë kontrollit teknik të mjetit

* 16  masa administrative për xhama të errët

* 114 masa administrative për parakalime të gabuara.

* 8 masa për mos rregullim të shpejtësisë në qendrat e banuara.

 Si dhe 994 masa administrative të tjera të ndryshme.

Janë bllokuar 12 mjete për mos shlyerje të masave administrative mbi 3 masa, ku një prej tyre kishte 13 masa administrative pa shlyer.

Policia Rrugore e Tiranës me qëllimin e vetëm atë të  parandalimit të aksidenteve rrugore, do vijojë kontrollet e pandërprera me Drager e Radar,  në të gjithë territorin e qarkut Tiranë, për të rritur  sigurinë e jetës së qytetarëve në rrugë.

/portali DurresLajm/

Video: 
Na bëni like në facebook!: 

Lajme nga e njëjta kategori

Deputeti demokrat Agron Shehaj ka reaguar pas kërcënimeve me jetë në adresë të gazetarit Ylli Rakipi.

Studentët nuk tërhiqen nga protesta e tyre deri në plotësimin e 8 pikave të vendosura prej ditësh si kusht për qeverinë dhe kryeministrin

Zbardhet rendi i ditës i mbledhjes së parë të Këshillit të Lartë të Prokurorisë, e cila do të zhvillohet në orën 11:00 të së mërkurës në

Një ish-regjistrues dhe tre specialistë të zyrës vendore të Regjistrimit të Pasurive të Paluajtshme në Pogradec janë kallëzuar penalisht

Pas kërkesës së shtuar të studentëve drejt Ambasadave të BE-së dhe SHBA-së në vendin tonë, vjen dhe reagimi i delegacionit të BE-së në Ti

Instituti i Gjeoshkencave, Energjisë, Ujit dhe Mjedisit ka dhënë parashikimin e motit në vend, mbi situatën e reshjeve, temperaturave dhe

Ka skaduar afati për ankimet e prokurorëve në garë për KLP.

Në kuadër të masave ligjore që ndërmerren nga Ministria e Brendshme dhe institucionet e tjera shtetërore për vendosjen e një regjimi të r

Pak ditë pas kësaj deklarate të Ministrit të Infrastrukturës, dalin në dritë të tjera të dhëna që zbulojnë se kush qëndron pas kompanisë

Gjatë takimit me kryeministrin Edi Rama në Universitetin Bujqësor të Tiranës, rektori Bahri Musabelliu teksa i përgjigjej një studenti të