AKU asgjëson 49 tonë farë misri, vendos miliona lekë gjobë në biznese

15/06/2019 - 11:17

Autoriteti Kombëtar i Ushqimit gjatë kontrolleve në biznese të ndryshme ka konstatuar disa shkelje, duke vendosur edhe gjoba të majme për abuzuesit, si edhe ka mbyllur aktivitetin e dy prej tyre, si edhe ka bërë asgjësimin e rreth 48.7 tonë farë misri të papërshtatshme për mbjellje.

Konkretisht:

-Gjatë kontrollit të ushtruar nga AKU Tiranë nё subjektin “Sami Cerri” evidentoi se subjekti ushtronte aktivitetin “Prodhim dhe tregtim tё produkteve tё pastiçerisё” pa licencë përkatëse dhe pa regjistër shitjesh.

Gjithashtu, u konstatuan 225 kg produkte me etiketa tё pa notifikuara dhe qё nuk pёrmbushin kёrkesat ligjore (suxhuk me arra, llokume). Për shkeljet e konstatuara ndaj subjektit u morën masa administrative: a). Gjobë 1,000,000 lekë për ushtrim të aktivitetit pa disponuar licencën përkatëse, b). gjobë 100,000 lekë për mungesë të sistemit të gjurmueshmërisë, c). gjobë 100,000 lekë për etiketim në kundërshtim me ligjin, d). bllokim per asgjesim i 225 kg produkte ushqimore dhe e). ndërprerje e aktivitetit.

-Gjatë kontrollit të ushtruar nga AKU Fier në subjektin “Lindita Gjini” me aktivitet “Market” në qytetin e Lushnjës evidentoi tregtim të mallrave me afat të kaluar përdorimi (amareta, djath, kroasan, kek, çajra, çokollata, pije energjike, vafer etj). Për shkeljet e kontatuara ndaj subjektit u mor masa administrative: a). gjobë 300,000 lekë për tregtim të mallrave të cilëve u ka kaluar afati i përdorimit dhe b). bllokim per asgjesim te mallrave me afat përdorimi të kaluar.

– Nga kontrolle e kryera nga AKU Korçë në subjektet “Petraq Zhidro” dhe “Lico A+B” me aktivitet “Përpunim qumështi” dhe analizat laboratorike të mostrave përkatëse (djathë të bardhë dhe djathë kaçkavall) evidentuan mospërmbushje të kërkesave ligjore për treguesit e sigurisë së ushqimit. Për shkeljet e konstatuara ndaj secilit prej subjekteve u mor masa administrative: a). gjobë 300,000 lek për ushqim të pasigurtë dhe b). bllokim per asgjesim te sasisë 500kg djath i papërshtatshëm për konsum.

-Gjatë kontrollit të ushtruar nga AKU Korçë në subjektin “Florent Dikellari” me aktivitet “Njesi tregtimi” evidentoi kushte të papërshtatshme higjeno-sanitare. Për këtë shkelje AKU mori masat administrative: a) gjobë ne vlerën 300,000 lekë për mungesë të kushteve higjeno-sanitare dhe b). nderprerja e aktivitetit deri në plotësimin e këtyre kushteve.

– Ndërkohë drejtoria Rajonale e AKU Shkodër në kuadër të masave administrative të marra gjatë kontrolleve  të kryera, ka bërë asgjesimin e rreth 48.7 tonë farë misri të papërshtatshme për mbjellje. Procesi i asgjesimit u krye me pjesëmarrjen e inspektoreve të AKU, të Inspektoriatit Shtetëror të Mjedisit dhe të Drejtorisë të Tatimeve.

/portali DurresLajm/

Na bëni like në facebook!: 

Lajme nga e njëjta kategori

Ditën e sotme, Valbona Sako, kandidatja e PS-së që fitoi në Durrës në zgjedhjet e 30 qershorit, nuk e mori mandatin pasi gjyqtarja Mimoza

Situata politike shqiptare vijon të shqetësojë diplomacinë amerikane.

Ministri i Brendshëm Sandër Lleshaj ka dhënë një informacion të ri dhe shumë të rëndësishëm për kartat e identitetit.

Komisioneri publik kërkoi shkarkimin nga detyra të kryetarit të Gjykatës së Lartë Xhezair Zaganjori në seancën e mbajtur në Kolegjin e Po

Banka e Shqipërisë ka reaguar një ditë pas shkresës që grupi parlamentar i PS-së i dërgoi Kuvendit për shkarkimin e Arben Malajt nga anët

Në kuadër të zbatimit të planit të gjerë operacional për luftën kundër informalitetit, Inspektorati i Punës dhe Sektori

Gjykata e Durrësit nuk i ka dhënë mandatin e kryebashkiakes Valbona Sakos, e cila u shpall fituese në votimet e 30 qershorit.

Shpërthimi i bombolës së gazit në një argjendari të hënën në zonën e ish-Bllokut ishte vetëm një nga rastet e rënda që ne dëgjojmë thuajs

Sektori i Policisë Rrugore në Drejtorinë Vendore të Policisë Durrës, bën me dije se për shkak të punimeve që po kryhen në hyrje të qyteti