Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Akuzat për manipulime në zgjedhjet 2017 në Shijak, gjykata e Durrësit pranon gjykim të shkurtuar për 21 të pandehurit

07/04/2021 - 19:56

Ka nisur procesi i gjykimit të dosjes për manipulime në zgjedhjet e përgjithshme të vitit 2017 në zonën e Shijakut. Për gjykim nga prokuroria janë dërguar 19 komisionerë dhe 2 votues të akuzuar për krim zgjedhor.

Hetimi i cili u zhvillua fillimisht nga SPAK është një fragment i “Dosjes 339”, e cila u bë e njohur pasi një sërë përgjimesh brenda saj lidhën funksionarë të lartë të Partisë Socialiste me një grup të dyshuar për trafik narkotikësh, të përfshirë në fushatën elektorale dhe blerje e frikësim votuesish.

Ai bazohet mbi procedimin për veprën penale “Votimi më shumë se një herë ose pa u identifikuar”, dhe iu dërgua nga SPAK për kompetencë në Prokurorinë e Durrësit më 6 gusht të vitit 2020.

Hetimi zbuloi se komisionerët e qendrave të votimit në fshatrat e Shijakut kishin lejuar votimin nga disa persona në emër të zgjedhësve që ndodheshin jashtë vendit, duke vulosur fletët e votimit në kundërshtim me Kodin Zgjedhor. Hetimi zbuloi 52 vota të tilla në tre qendra votimi, ndërsa për gjykim u dërguan komisionerët: Shpëtim Stafa, Elidon Stafa, Ramiz Tuda, Fredi Marku, Dalvis Biba, Emilian Tuda,  Redi Hysa, Indrit Bici, Mehdi Lala, Agim Lala, Oriada Lala, Bujar Sula dhe Qazim Lala, Bashkim Allushi, Jakup Bregu, Altin Lala, Kujtim Uruçi, Zyhra Lala dhe Qemal Domi.

Prokuroria i akuzon ata për “Votim më shumë se një herë ose pa u identifikuar”, e cila dënohet me burgim nga një deri në pesë vjet.

Prokuroria po ashtu akuzon Shpëtim Markun, banor i lagjes Xhafzotaj, Shijak, se gjatë votimeve për zgjedhjet e përgjithshme të datës 25 qershor 2017 pasi kishte votuar vetë ka shkuar përsëri në qendrën e votimit dhe ka votuar në emër të babait të tij, ndërkohë që ky i fundit ndodhej jashtë shtetit. Ai po ashtu akuzohet për “votimi më shumë se një herë ose pa u identifikuar”.

Ndërsa zgjedhësi Armelin Zeza akuzohet se ka votuar në emër të 25 personave të tjerë që ndodheshin jashtë shtetit, “me qëllim ndryshimin e rezultatit të zgjedhjeve” sipas Prokurorisë Durrës. Ai akuzohet për “Falsifikim të materialit zgjedhor dhe rezultateve të zgjedhjeve”, e cila dënohet me burgim nga një gjer në pesë vjet dhe “Votimi më shumë se një herë ose pa u identifikuar”.

Ndërkohë për dy komisionerët Kasem Lala dhe Besim Bregu të cilët kishin ndërruar jetë në vitin 2018, prokuroria i kërkoi gjykatës pushimin e hetimit.

Sot gjykata pranoi gjykim të shkurtuar për të pandehurit, të cilët prej 6 muajsh po hetohen në arrest shtëpie. 21 të pandehurit do të përfitojnë ulje 1/3 e dënimit, pasi përfituan gjykim të shkurtuar.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Këshilli Bashkiak Durrës pritet të miratojë mesditën e sotme listën e 12-të me emrat e përfituesve të grantit të rindërtimit për banesat

Sipas MeteoAlb, vendi do të mbetet me vranësira të shpeshta këtë të martë, ku do të krijojnë mundësi për reshje të pakta në pjesën më të

“U traumatizuam sapo morëm vesh lajmin që djali ishte plagosur me armë. Ne jemi familje demokratësh që prej fillimit.

Kanë mbërritur në aeroportin e Rinasit edhe 8190 doza të tjera të vaksinës Pfizer. Lajmi është bërë i ditur nga Ministrja e Shëndetësisë

Aktori i njohur Guljem Radoja, ndodhet në gjëndje të rëndë shëndetësore në spital.

Ministria e Shëndetësisë njofton se në 24 orët e fundit në vendin tonë janë regjistruar 100 raste të reja, ndërsa kanë humbur jetën 5 per

Imami i xhamisë “Dine Hoxha” në Tiranë, Ahmed Kalaja ka reaguar pas sulmit në xhami, ku mbetën të plagosur pesë persona.

Në mbledhjen e fundit të Komitetit Teknik të Ekspertëve, u vendos që personat që do të vijnë nga Maqedonia e Veriut dhe Greqia, do të ven

Komiteti Teknik i Ekspertëve ka folur sot për situatën epidemiologjike në vend, ku u shpreh se incidenca është me tendencë në zbritje.