Ambasadorja e SHBA-ve në Tiranë, Yuri Kim iu ka bërë thirrje liderëve kryesorë politikë në vend, presidentit Meta, kryeministrit Rama dhe kreut opozitar Basha.

Me anë të postimeve në Twitter, Kim shprehet se liderët politikë duhet të jenë të përbashkuar kundër koronavirusit, ndërsa vlerëson se edhe njerëzit duhet të dëshmojnë vigjilencë, nga Shkodra deri në Sarandë.

“Presidenti Ilir Meta, kryeministri Edi Rama, lideri i opozitës Lulzim Basha duhet të jenë të unifikuar në këto kohë kundër Covid-19. Tani nuk është koha për politikë si zakonisht. Nuk mund të fitojmë luftën pa unitet dhe disiplinë nga të gjithë liderët dhe të gjithë njerëzit, nga Shkodra në Sarandë.

Masat e rrepta janë duke u marrë në numër të konsiderueshëm, dhe është normale që të ndiheni të lodhur, por duhet të qëndroni vigjilentë. Të gjithë ne, përfshirë edhe Ambasadën Amerikane në Tiranë, duhet të vazhdojmë të bëjmë punën tonë për të qenë të gjithë të shëndetshëm.”, shkruan ambasadorja.