Armand Teliti: Babëzia e qeverisjes lokale dëmtoi urbanistikën

11/03/2012 - 00:00

Armand Teliti
<h4>Armand Teliti</h4>

 

Një nga përfaqësuesit e PD-së në Këshillin Bashkiak të Durrësit, Armand Teliti në një prononcim për gazetën Dyrrah ka akuzuar bashkinë e Durrësit në lidhje me kaosin urbanistik në qytetin bregdetar. Sipas Telitit, është e vërtetë që mungesa e një plani rregullues ka ndikuar në drejtim të situatës problematike aktuale urbanistike në Durrës, por mbi të gjitha këtë kaos urbanistik e ka sjellë babëzia e qeverisjes lokale për të gllabëruar çdo copë terreni, çdo cep pallati apo çdo shesh lagje, sado të vogël, për të ndërtuar më pas një pallat më të madh.

“Më shumë se mungesa e planit rregullues kjo situatë është produkt i papërgjegjshmërisë dhe i mungesës së respektit ndaj qytetarëve dhe interesit të tyre.” Duke vijuar më tej Teliti thotë se situata urbanistike e qytetit të Durrësit është simboli i një zhvillimi të rrëmujshëm dhe kaotik. “Është shumë e dukshme që në këtë zhvillim nuk ka qenë prioritet interesi i qytetit, nuk ka qenë prioritet cilësia e jetës së qytetarëve, nuk kanë qenë prioritet hapësirat e gjelbra, vendet e parkimit apo këndet e lodrave, nuk ka qenë prioritet e ardhmja e qytetit, por ka qenë prioritet e tashmja e mbushur me para dhe beton.” Sipas Armand Telitit, bashkia e Durrësit e ka dëmtuar rëndë urbanistikën e qytetit me investime të papërgjegjshme, ku mbi të gjitha janë vënë interesa të ngushta përfitimi dhe jo interesat e zhvillimit urbanistik të qytetit dhe qytetarëve durrsakë.

“Plani i ri urbanistik, shprehet Teliti, është një zhvillim pozitiv, falë dhe vizionit të qeverisë shqiptare për të mos lejuar zhvillime kaotike urbanistike dhe për të orientuar zhvillimin e qyteteve dhe mbarë vendit në vizione perëndimore urbanistike. Nëse Bashkia e Durrësit vazhdon të gllabërojë sheshet publike dhe lulishtet për interesa të ngushta, vizioni i shtetit shqiptar është për më shumë hapësira të gjelbra për qytetarët, më shumë rregull dhe zhvillim harmonik, i cili ndikon cilësisht në jetën e qytetarëve dhe zhvillimin e vendit.”

/portali DurresLajm/

Na bëni like në facebook!: 

Lajme nga e njëjta kategori

Qendra për Zhvillimin e Shoqërisë Civile (CSDC) Durrës ka hartuar një raport që bazohet mbi monitorimin që i ka bërë kjo qendër bashkisë

Është porti më i madh në vend dhe një nga qytetet më të rëndësishme të vendit, por Durrësi ka mbetur prapa në kontributin e dhënë për rri

Operacioni Ndërkombëtar i Monitorimit i cili ka një rol të rëndësishëm në procesin e Vettingut është përgjigjur për çështjen e anëtarit t

Në kushtet e pandemisë së COVID 19 qeveria ka vendosur gjatë mbledhjes së sotme të ndryshojë aktin normative të masave në gjykata.

  • Përsëri ATRAC (Adriatic Training and Research Centre} RJEKA, trajnon specialistët tanë të mjedisit për ngritjen dhe forcimin

Mjeku Tritan Kalo ka kritikuar publikisht përfaqësuesit politikë në vend të cilët i cilëson si "gjithologë" të sëmurë.

Shërbimi i Çështjeve të Brendshme dhe Ankesave i referoi prokurorisë hetimin paraprak ndaj veprimet të dy oficerëve te policisë te dyshua

Mask Velo u nda nga jeta 3 javë më parë, por ëndrra e tij, për të cilën punoi gjer në ditët e fundit, para se të sëmurej, u bë sot realit

Policia Bashkiake e Durrësit në bashkëpunim me Policinë e Shtetit kanë zhvilluar në zonën e Shkëmbit të Kavajës një aksion për lirimin e