Arrestimi i të rrezikshmit "Tesi", Lleshaj: Vlora më e qetë dhe e sigurt, operacioni vazhdon

16/10/2019 - 15:58

Ministri i Brendshëm, Sandër Lleshaj ka reaguar për operacionin policor të zhvilluar sot në qytetin e Vlorës, ku u arrestua personi i arratisur nga burgu i Italisë, Tesi Basho.

Përmes një postimi në Facebook, ministri Lleshaj e cilëson Bashon një ndër kriminelët më të rrezikshëm në vend, pasi akuzohet për vrasje të shumëfishtë, për arratisje nga burgu italian dhe për vepra të tjera të rënda.

Ministri shkruan se ky operacion është vetëm një goditje e radhës e policisë në luftën kundër krimit, në serinë e pandalshme që do vijojë.

POSTIMI I PLOTË

Policia e Shtetit arrestoi sot në Selenicë një ndër kriminelët më të rrezikshëm në vend, një vrasës të shumëfishtë, të arratisur nga burgu në Itali dhe të dyshuar edhe për vepra të tjera të rënda.

Finalizimi i suksesshëm i këtij operacioni provon qartazi nivelin e integritetit dhe profesionalizmit të Policisë së Shtetit, e cila po e rrit përditë forcën e saj goditëse ndaj krimit.

Por kjo është vetëm NJË goditje e radhës në serinë e pandalshme që vijon. Vullneti politik për luftën kundër krimit, është i paepur.

Policia e Shtetit është plotësisht e motivuar dhe mbështetja e bashkëpunimi i qytetarëve për të, në funksion të një Shqipërie me të drejtë dhe më të sigurtë, është në rritje të vazhdueshme.

Vlora duhet të ndihet sot edhe më e qetë dhe më e sigurtë, ndërsa Policia e Shtetit më krenare për operacionin e planifikuar dhe finalizuar me mjeshtëri profesionale.

Përgëzime dhe respekt për të gjithë ata pjesëtarë të PSH që kontribuuan në këtë sukses.

Ndërkohë, operacioni vazhdon...

/portali DurresLajm/

Na bëni like në facebook!: 

Lajme nga e njëjta kategori

Ditën e sotme moti i keq ka përfshirë gjithë vendin, duke shkaktuar probleme në disa akse rrugore, ndërsa ka shkaktuar probleme dhe në sh

Ambasada e SHBA-së në Shqipëri ka deklaruar se Amerika do të vazhdojë të punojë me partnerët shqiptarë për të ndihmuar ngritjen e një sis

Përmbyten sërish lagjet e Durrësit. Reshjet e dendura të shiut kanë krijuar një situatë kaotike tek lagjja nr.18, afër stadiumit.

Në takimin prezantues të Drejtorit të Përgjithshëm Ekzekutiv të APD-së, Pirro Vengu dhe kryetares së Bashkisë Durrës, Valbona Sako, u dak

IKMT ka përfunduar aksionin në zonën e “Astirit” për shembjen e banesave të cilat do të preken nga projekti i Unazës së Madhe.

Në Durrës arrin në 10 mijë numri i të prekurve nga diabeti, duke shënuar një rekord negativ për qytetin bregdetar.

Moti i keq që ka përfshirë Durrësin mesditën e kësaj të marte ka shënuar dëme në lagjen numër një të qytetit.

Inspektorati Kombëtar i Mbrojtjes së Territorit ka dhënë informacion për objektet, të cilat janë prishur deri tani në zonën e “Astirit”.

Bagazhet e pasagjerëve në fluturimin e së hënës në mesditë të Austrian Airlines janë shoqëruar nga thasët me valutë të huaj të bankave sh