Atentati në Lushnje, viktimat u vranë kot. Shënjeshtra shpëtoi

Postuar: 12/10/2017 - 21:11

   Forcat speciale dhe drejtues të lartë të Policisë po qëndrojnë në Lushnje, për të lokalizuar Laert Haxhiun dhe Orgest Bilbilin, autorët e atentatit ku mbetën të vrarë Zamir Latifi dhe Jurgen Hoxha. Qytetarët janë ende kuriozë për ngjarjen e rëndë.

Policia po heton disa pista për ngjarjen, ku kryesorja është ajo e hakmarrjes, pasi dy personat e shpallur në kërkim rezultojnë me precedentë penalë.

Sipas policisë, ata dyshohen për vrasjen e ish-anëtarit të bandës së Lushnjes, Gerti Lalës, i njohur me nofkën “Iriqi”, në korrik të vitit 2010. Për këtë vrasje, Haxhiu u dënua me 32 vite burg, por bëri vetëm 3 dhe doli për mungesë provash.

Por shënjestër e atentatit të pasdites së 11 tetorit ka qenë Sajmo Xheliu, i cili ka mundur të largohet duke i shpëtuar plumbave. Ky ishte atentati i dytë që i bëhet Xheliut, pas atij të një viti më parë, më 25 shtator të vitit 2016, ku së bashku me nipin e Aldo Bares, Xhuljo Shkurti mbetën të plagosur.

Pasditen e së mërkurës, Haxhiu ka qenë i shoqëruar nga dy persona të tjerë, të cilët së bashku kanë zbrazur 41 fishekë, nga të cilat 31 plumba kanë rënë në trupin e Zamir Latifit dhe 10 në trupin e Jurgen Hoxhës.

Autorët u larguan në drejtim të Beratit, braktisën automjetin në fshatin Cukas, të cilit i kanë vënë flakën. Burime nga Prokuroria thonë se ekziston një dëshmitar kyç, i cili po mbahet i fshehtë për arsye sigurie. Sipas Prokurorisë, një nga pistat e dyshuar është ajo e konflikteve të bandës së Lushnjes dhe ekzekutimi në vitin 2000 të djalit të xhaxhait të Laert Haxhiut.

“Ndonëse autorët janë identifikuar, ngjarja e së mërkurës tregon se hesapeve të vjetra kriminale po i shtohen ato të reja, të lidhura me pazaret e drogës. E kjo, për fat të keq është premisë për ngjarje të tjera të rënda, e jo vetëm në këtë qytet”. / Top Channel 

/portali DurresLajm/

Na bëni like në facebook!: 

Lajme nga e njëjta kategori

Është paraqitur sot te Prokuroria e Krimeve të Rënda ish-ministri i Transporteve, Edmond Haxhinasto, për t’u pyetur për procedurat e rrug

Gjykata e Apelit në Durrës ka lënë në fuqi masën "arrest në burg" për ish-kreun e ARRSH, Dashamir Xhika, zv/drejtorin Andi Toma, dhe mbik

Disa shqiptarë të maskuar, të veshur me rrobat e organizatës së ISIS, këndojnë të ngazëllyer për luftën e tyre, të cilën, siç thonë, ja d

Nis seanca gjyqësore ndaj ish-drejtorit të përgjithshëm të rrugëve Dashamir Xhika.

Pas fundjavës 'pranverore' që kaluam, kushtet e motit ndryshojnë tërësisht.

Policia e Durrësit ka dhënë detajet zyrtare rreth ngjarjes së regjistruar mbrëmjen e së dielës në Krujë, ku një 22-vjeçar u gjet i pajetë

   Detektivi privat është një profesion i lirë që ushtrohet që nga viti 2015 në Shqipëri.

   Pas disa ditësh në “qetësi”, territori i Shqipërisë do të përfshihet sërish nga reshjet e shiut.

   Policia ka vijuar edhe gjatë natës së mbrëmshme aksionin dhe kontrollin me drager për drejtuesit e mjeteve për evidentimin dhe ndëshki

   Duke filluar nga data 1 Mars do të ndryshojnë testet për marrjen e patentës.