Athinë-Tiranë, marrëveshja nënshkruhet 10-ditëshin e parë të korrikut

24/06/2018 - 21:10

   Nuk përbën aspak sekret, madje qarqet diplomatike e vërtetojnë se Athina dhe Tirana kanë hyrë tashmë në rrugëtimin e fundit për nënshkrimin e një marrëveshjeje që do të zgjidhë të gjithë problemet e trashëguara nga e kaluara midis dy vendeve.

Pasi diplomacia greke zgjidhi çështjen e emrit të fqinjit verior, duket se kërkon me këmbëngulje të veprojë në të njëjtën mënyrë edhe me fqinjin perëndimor, problemet e të cilit i konsideron më të zgjidhshme.

Por, nga konferenca e Rodosit dhe dy takimet e homologëve Kotzias dhe Bushati nuk u mësua diçka konkrete, ndërsa pasoi menjëherë cikli i tretë i bisedimeve të grupeve të specialistëve shqiptaro-grekë në Athinë për përcaktimin e kufirit detar, të cilat u tha se u zhvilluan në një frymë konstruktive dhe pozitive.

Duke konsideruar delimitizimin e ujërave detare, çelësin kryesor të paketës së problemeve dypalëshe, duhet thënë se Tirana dhe Athina ende nuk kanë arritur në një marrëveshje përfundimtare, pasi shihen me vëmendje detajet më të vogla në mënyrë që zgjidhja të jetë jetike dhe të kënaqë interesat e dy vendeve.

Gjithsesi, nën presionin e opozitës konservatore, Athina zyrtare përgënjeshtron në mënyrë kategorike se çështja çame ndodhet në tryezen e bisedimeve.

Orët e fundit janë shtuar referimet e shtypit që theksojnë se, në 10-ditëshin e parë të korrikut do të nënshkruhet marrëveshja nga dy ministrat e Jashtëm, nën praninë edhe të kryeministrave Rama e Tsipras.

Pavarësisht zhvillimeve të fundit, Kotzias ka ripërsëritur se në takimet që ka pasur me homologun Bushati në ishullin e Rodosit, Greqia do të mbështesë hapjen e negociatave të BE-së me Shqipërinë, megjithëse disa vende anëtare janë kundër. /tch

/portali DurresLajm/

Na bëni like në facebook!: 

Lajme nga e njëjta kategori

E diela me diell, ka bërë që qytetarë të shumtë t’i drejtohen zonës turistike të Durrësit, Currilave.

Presidenti i Republikës Ilir Meta ka publikuar sot dy foto nga zyra e Kongresmenit amerikan Eliot Engel duke e cilësuar si një kujtim të

Shkon në 40 numri i personave të shoqëruar për veprime të dhunshme gjatë protestës së të shtunës në Tiranë.

Kthjellime dhe vranësira të herë pas-hershme dominojnë të gjithë territorin gjatë orëve të para të ditës.

Tension dhe përplasje edhe në ambientet e drejtorisë së Policisë së Tiranës.

Protesta e sotme e organizuar nga opozita e bashkuar ka marrë vëmendjen e të gjithëve, e ndërsa disa nga fotot e shkrepura në atë 5 orësh

Protesta e sotme e opozitës së bashkuar solli 16 të lënduar, mes tyre protestues, efektivë të policisë por edhe gazetarë, e ndërsa po ash

Përshkallëzimi i situatës gjatë protestës së opozitës në Tiranë është pasqyruar menjëherë nga Associated Press që flet për një konfrontim

Gjatë protestës së opozitës, një numër i konsiderueshëm gazetarësh, protestuesish dhe punonjës të policisë mbetën të lënduar.

Drejtori i Përgjithshëm i Policisë së Shtetit, Ardi Veliu, ka përshëndetur efektivët e policisë që u angazhuan për mbarëvajtjen e protest