Atleti bullgar mbërrin në Durrës, derdh në Adriatik shishen me ujë nga Deti i zi (VIDEO)

23/05/2019 - 18:29

Pas plot 1200 kilometrash vrap, atleti bullgar Krasse Georgiev mbërriti rreth orës 16.00 në qytetin e Durrësit. Ishte vetë kryetari i bashkisë Vangjush Dako që ka pritur pranë Sfinksit atletin bullgar, ndërkohë që bashkë me të ishin edhe ambasadorët e Bullgarisë në Shkup dhe Tiranë. Kryebashkiaku Dako i uroi mirëseardhjen sportistit bullgar duke vlerësuar iniciativën e tij për bashkimin e shteteve që lidh korridori panevropian i tetë. 

Vetë atleti u shpreh se tashmë ndihet i lumtur që pas 15 ditësh, nuk do t’i duhet më të vrapojë, ndërkohë që ka theksuar se ideja e bashkimit të këtyre shteteve nëpërmjet një autostrade ka qenë një dëshirë e hershme e tij. 

Në mënyrë simbolike atleti bullgar kishte marrë një shishe me ujë nga Deti i zi për ta hedhur në detin Adriatik në Durrës si simbol i bashkimit të dy deteve që janë në skajet e korridorit 8. Dokumentet me firmat e kryebashkiakëve të qyteteve nga ku kalon koridori i tetë janë grumbulluar në fund për t’iu dërguar prezencës së Bashkimit Evropian në Tiranë nga ambasadori i Bullgarisë në vendin tonë. 

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Futbollisti i Kombëtares Shqiptare, Andi Lila i është bashkuar nismës "Edhe unë" për të mos votuar të dielën e 30 qershorit.

Ambasada italiane ka reaguar lidhur me zgjedhjet e 30 qershorit, që pritet të mbahen ditën e diel.

“The Economist Espresso”, një portal informativ në varësi të medias “mëmë”, “The Economist”, i ka kushtuar një hapësirë pasqyruese klimës

KQZ miratoi listën e vëzhguesve afatshkurtër për zgjedhjet e 30 qershorit dhe përkthyesve të ambasadës italiane si edhe asaj britanike.

Për ditën e sotme, moti parashikohet të jetë i kthjellët dhe me vranësira të pakta në zonat malore. Era do të fryjë me drejtim nga Verili

Policia e Shtetit ka reaguar pas deklaratave të ish-deputetit të PD, Xhemal Gjunkshi, i cili tha se policia ka shpërndarë armë në Dibër.