Bënë kërdinë në shtëpitë e durrsakëve, si u zbulua banda e të ‘tmerrshmëve’ (VIDEO+FOTO)

Postuar: 21/04/2017 - 09:06

*Ndalohen dy shtetas dhe shpallen në kërkim dy bashkëpunëtorët e tyre.

*Sekuestrohen një armë zjarri, fishekë, Cannabis Sattiva, automjete, pjesë e sendeve të vjedhura, vlera monetare dhe mjetet që kryenin veprimtarinë kriminale.

Policia e Durrësit ka finalizuar me sukses operacionin e koduar “Brava”, duke goditur një bandë hajdutësh, pasi u zbulua se janë pikërisht ata autorët që kanë bërë namin muajt e fundit në qytet, duke vjedhur banesa të ndryshme.

Pas një pune hetimore disa mujore, uniformat blu kanë bërë të mundur zbardhjen dhe dokumentimin e plotë ligjor të 18 vjedhje banesash të kryera në lagje të ndryshme të qytetit të Durrësit. Janë ndaluar dy prej autorëve të dyshuar dhe janë shpallur në kërkim bashkëpunëtorët e tyre, që të katërt me banim në kryeqytet.

Janë ndaluar shtetasit:

• Rezart Hyskolli 29 vjeç, banues në Kamëz, Tiranë, i dënuar më parë për vjedhje;

• Gentjan Kala 30 vjeç, banues në Tiranë, i dënuar më parë për vjedhje, aktualisht me masë sigure “Arrest shtëpie” për veprën penale “Vjedhja”.

Gjithashtu janë shpallur në kërkim dhe po punohet për kapjen e bashkëpunëtorëve të tyre, shtetasit: S.T. 27 vjeç, banues në Tiranë; dhe D.I. 24 vjeç, banues në Tiranë.

Policia thotë se të arrestuarit janë kapur në kushtet e flagrancës duke vjedhur banesat e shtetaseve L.B. në lagjen nr. 1 dhe R.B. në lagjen nr. 6 Durrës. Ata akuzohen se kanë vjedhur me mijëra para dhe sende me vlerë në shtëpi të ndryshme.

18 BANESAT E VJEDHURA

1. Më datë 01.11.2016, në lagjen nr.6, Durrës dyshohet se kanë vjedhur me thyerje banesën e shtetasit Ll. R. 59 vjeç, ku kanë marrë 1 000 € dhe disa bizhuteri.

2. Më datë 18.11.2016, në lagjen nr.17, Durrës dyshohet se kanë vjedhur me thyerje banesën e shtetasit Q.Ç. 65 vjeç, ku kanë marrë 83 000 lekë.

3. Më datë 24.11.2016, në lagjen nr.1, Durrës dyshohet se kanë vjedhur me thyerje banesën e shtetases M.Sh. 51 vjeçe, ku kanë marrë 100 000 lekë dhe disa bizhuteri.

4. Më datë 27.12.2016, në lagjen nr.1, Durrës dyshohet se kanë vjedhur me thyerje banesën e shtetasit H..L. ku kanë marrë 1 televizor.

5. Më datë 01.01.2017, në lagjen nr.6, Durrës dyshohet se kanë vjedhur me thyerje banesën e shtetasit D.Ç.  46 vjeç, ku kanë marrë 1 300 000 lekë dhe disa bizhuteri.

6. Më datë 07.02.2017, në lagjen nr.5, Durrës dyshohet se kanë vjedhur me thyerje banesën e shtetasit G.T. 43 vjeç, ku kanë marrë 40 000 lekë dhe 400  €.

7. Më datë 22.02.2017, në lagjen nr.7, Durrës dyshohet se kanë vjedhur me thyerje banesën e shtetasit A.Sh. 65 vjeç, ku kanë marrë dy televizorë.

8. Më datë 06.03.2017, në lagjen nr.12, Durrës dyshohet se kanë vjedhur me thyerje banesën e shtetasit B.A. ku kanë marrë sende me vlerë rreth 225 000 lekë.

9. Më datë 08.03.2017, në lagjen nr.17, Durrës dyshohet se kanë vjedhur me thyerje banesën e shtetasit A.V. 27 vjeç, ku kanë marrë disa bizhuteri dhe një lap-top.

10. Më datë 09.03.2017, në lagjen nr.18, Durrës dyshohet se kanë vjedhur me thyerje banesën e shtetasit S.K.  50 vjeç, ku kanë marrë 100 000 lekë dhe disa bizhuteri.

11. Më datë 09.03.2017, në lagjen nr.4, Durrës dyshohet se kanë vjedhur me thyerje banesën e shtetasit G.B. 39 vjeç, ku kanë marrë disa bizhuteri.

12. Më datë 15.03.2017, në lagjen nr.9, Durrës dyshohet se kanë vjedhur me thyerje banesën e shtetasit M.S. 74 vjeç.

13. Më datë 23.03.2017, në lagjen nr.5, Durrës dyshohet se kanë vjedhur me thyerje banesën e shtetasit S.L.  53 vjeç, ku kanë marrë dy televizorë.

14. Më datë 03.04.2017, në lagjen nr.6, Durrës dyshohet se kanë vjedhur me thyerje banesën e shtetases Y.K. 52 vjeçe, ku kanë marrë disa oriendi shtëpiake.

15. Më datë 12.04.2017, në lagjen nr.17, Durrës dyshohet se kanë vjedhur me thyerje banesën e shtetasit E.M. 34 vjeç, ku kanë marrë 50 000 lekë.

16. Më datë 14.04.2017, në lagjen nr.1, Durrës dyshohet se kanë vjedhur me thyerje banesën e shtetasit A.L. 25 vjeç, ku kanë marrë disa bizhuteri.

17. Më datë 18.04.2017, në lagjen nr.6, Durrës dyshohet se kanë vjedhur me thyerje banesën e shtetasit V.C. 54 vjeç, ku kanë marrë 80 000 lekë dhe disa bizhuteri.

18. Më datë 18.04.2016, në lagjen Nr.5, Durrës dyshohet se kanë vjedhur me thyerje banesën e shtetasit Z.Ç.  ku kanë marrë 150 000 lekë dhe disa bizhuteri.

Mekanizmi i kryerjes së veprave penale:

Autorët e dyshuar e kryenin veprimtarinë e tyre kriminale me thyerje të bravave  të apartamenteve, me mjete të ndryshme si: çelësa të adoptuar, fisha alumini, flutura shtrënguese, kaçavida, çelësa anglez, doreza. Në këtë mënyrë ata hynin brenda në banesë dhe vidhnin sende me vlerë. Sendet e vjedhura i transportonin me dy automjete dhe i dërgonin në një banesë në lagjen nr.13, Plazh.

Pas hetimeve të kryera në mënyrë të vazhdueshme është zbuluar se autorët kishin një apartament në lagjen nr.13, Plazh, Durrës, ku pas kontrollit të ushtruar janë gjetur dhe sekuestruar në cilësinë e provave materiale:

U SEKUESTRUAN:

• një armë zjarri pistoletë, model 54;

•  gjashtë fishekë, model 54, kalibri 7.62 mm;

•një automjet tip Golf;

• një automjet tip Toyota;

• veglat me të cilat realizonin hapjen e dyerve duke thyer bravat (çelësa të adoptuar, fisha alumini, flutura shtrënguese, kaçavida, çelësa Anglez, dy palë dorashka);

• një sasi prej 130 000 lekë të reja;

•300 dollarë amerikane;

• 150 €;

•rreth 300 gr lëndë narkotike e dyshuar e llojit Cannabis Sattiva;

•bizhuteri të ndryshme si: 20 varëse, 50 unaza, 18 byzylyke, 60 palë vëthë, 10 medalione, 19 ora, 7 parfume, 6 telefona celularë, 6 karta komunikimi, 1 kamera, 2 aparate fotografikë karte abonimi TV, Playstation  etj.

Ndaj bandës së hajdutëve rëndon jo vetëm vepra penale e “Vjedhjes”, por edhe dy të tjera: “Prodhim dhe shitje të armëve dhe municionit luftarak” dhe “Prodhim dhe shitje të lëndëve narkotike” të kryera në bashkëpunim.

/portali DurresLajm/

Video: 
Na bëni like në facebook!: 

Lajme nga e njëjta kategori

Rikthehet për gjykim çështja “Veliera” në Durrës, e cila tashmë do të gjykohet në themel në Gjykatën Administrative.

Emiljan Jani, Prefekti i ri i Durrësit, është prezantuar sot para administratës së Prefekturës.

Vendi ynë është ‘shkundur’ nga tërmetet gjatë ditës së sotme. Plot 8 të tillë kanë shkaktuar panik tek njerëzit. 

Lëkundje tërmeti janë ndjerë sot në orën 12:31 në Shqipërinë së Mesme.

Policia e Durrësit zbardh dinamikën e ngjarjes së rëndë të një dite më parë, kur pas një sherri për motive të dobëta, mbetën dy

Pjesa e parë e ditës do të dominohet nga kthjellime dhe vranësira të lehta në ultësirën perëndimore, ndërsa me vranësira dhe sh

Shoqata e Mediave Elektronike deklaroi se me forcën e kartonëve, dje, partitë e mazhorancës së re, kanë miratuar në parlament një amendim

Deri dje ishte oborr shkolle, aty ku rreshtoheshin fëmijët para se të hynin në mësim.

Tre raste dhune në familje janë regjistruar 24 orët e fundit në Durrës dhe secili rast ka specifikën e tij, që e bën të veçantë dhe është

Dy të vrarë e një i plagosur në gjendje të rëndë është bilanci i një konflikti tragjik, të regjistruar mesditën e sotme, në fshatin Rrush