Banorët e pallatit të dëmtuar në Durrës protestë para Prokurorisë: Po manipulojnë provat (VIDEO)

10/07/2020 - 12:28

Banorët e pallatit të dëmtuar rëndë në lagjen nr. 5 të Durrësit, pas disa protestave të njëpasnjëshme që kanë bërë më parë, sot kanë zgjedhur të protestojnë para prokurorisë së qytetit.

Pallati nr. 8 te rruga “Stefan Dhima”, i dëmtuar nga tërmeti i 26 nëntorit konsiderohet i pabanueshëm bazuar në ekspertizat private që banorët kanë bërë me iniciativën e tyre, ndërkohë që nga Instituti i Ndërtimit nuk është marrë një vendim i tillë. Banorët akuzojnë prokurorinë se është bërë palë duke zvarritur procesin dhe duke mos marrë në konsideratë ekspertizat e kryera nga vetë banorët.

“Ne jemi mbledhur sot para Prokurorisë se dosja jonë fle këtu. Krimi fle në Prokurori. Kanë thirrur avokatin tonë dhe i kanë kërkuar që të manipulojë provat. Të gjithë ne si banorë i kemi drejtuar letër Prokurorit të Përgjithshëm, të gjitha ambasadave në Shqipëri, që Prokuroria e Durrësit po mbulon provat. Pallati është çeduar mbi 51,4 cm që e ka nxjerrë ekspertiza, ndërsa tani ka devijuar më tepër”, deklaron një banor.

“Ne jemi në fazën që Prokuroria filloi hetyimet dhe iu desh të bënte matjet me topograf. Matja e dytë topografike ka dalë çedim 51.4 cm, 10 cm më tepër. Me tërmetet e fundit, pallati prapë ka ikur, le të vinë ta matin. Fakti është aty që tregon një gjendje të rëndë! Kërkojmë përshpejtimin e hetimit dhe të nxjerrin përfundimin e dosjes. Të tjera gjëra po na thuhen, po mbulojnë provat”, deklaron një tjetër.

Pallati në fjalë pësoi dëmtime të konsiderueshme që në tërmetin e parë më 21 shtator 2019, ndërsa tërmeti tjetër e përkeqësoi situatën. Pas dy tërmeteve të vitit të kaluar banorët kanë bërë denoncim në prokurori duke paditur ndërtuesit për punime jocilësore. Ata shpresojnë që të merret një vendim për shembjen e tij. Emrat e banorëve kanë dalë edhe në listat e familjeve që përfitojnë dëmshpërblimin e grantit për dëmet e tërmetit, por ata shprehen se nuk do të paraqiten për t’u bërë pjesë e kësaj skeme.

S.L.

/portali DurresLajm/

Video: 
Na bëni like në facebook!: 

Lajme nga e njëjta kategori

Petrit Prifti, xhaxhai i 32-vjeçarit Silvi Priftii cili rezulton i zhdukur që nga dita e djeshme kur hyri në det për peshkim, ka dhënë de

“Nata e Bardhë”, e cila tashmë është bërë traditë për kryeqytetasit, nuk mungoi as këtë vit të vështirë për shkak të pandemisë.

Arqipeshkëvia Metropolitane Tiranë – Durrës, njofton se Imzot George Frendo është shëruar nga koronavirusi.

Ministria e Shëndetësisë njofton se gjatë 24 orëve të fundit janë kryer 2.253 testime, prej të cilave 133 janë testime janë kryer për ars

Një tjetër mjek ka humbur jetën. Është ndarë nga jeta sot në moshën 67- vjeçare mjeku pediatër nga Kavaja, Hidajet Deda.

Vijojnë kontrollet nga Policia e Durrësit për parandalimin e përhapjes së COVID-19.

Policia e Durrësit dhe polumbarët janë vënë kërkim të një 32-vjeçari, i cili ka humbur kontaktet që nga dita e djeshme kur hyri në det pë

Shqipëria përkujton sot 76-vjetorin e çlirimit nga pushtuesit nazifashistë në Luftën e Dytë Botërore.

Vendi ynë sot do të mbizotërohet nga alternime kthjellimesh dhe vranësirash duke sjellë një mot të vranët dhe me reshje në të gjithë terr

Shqiptarët renditen të dytët në Itali sa i përket numrit të punëtorëve të rregullt e që kontribuojnë në sigurimet shoqërore.