Beteja e fundit e durrsakut Elvis Hidri, mes shokëve dhe miqve

25/05/2018 - 19:12

   Nga Gëzim Kabashi

Elvis Hidri nuk jeton më.

Një sëmundje e rëndë e mori në pak javë.

Unë nuk e njoha së gjalli.

Për Elvisin më treguan gjatë dy javëve të fundit shokët dhe miqtë e tij.

Më thanë se nuk ishte vetëm nxënësi më i mirë i gjimnazit.

Më treguan se ishte më i dashuri dhe më i ndjeshmi nga të gjithë.

Më thanë se nuk arriti t’i kryejë studimet universitare, por kjo për të ishte krejt e parëndësishme.

Më treguan se ishte aq i lidhur me prindët, saqë nuk krijoi një familje të vetën.

Pjesën tjetër nuk kishte nevojë të ma tregonin.

Ajo që ndodhi për Elvisin nuk ka patur të dytë në Durrës.

Dhjetra shokë e miq vrapuan në Spitalin Rajonal dhe në atë të kryeqytetit për të dhuruar gjak për 45-vjeçarin.

Mandi dhe Ledia nuk u larguan asnjë minutë nga dhoma e tij në familjen Hidri.

Maksi dhe Genta i lanë fëmijët vetëm në San Diego (SHBA) dhe u vunë në dispozicion të shokut të tyre.

Nga Italia mbërriti Altini, nga Zvicra erdhi Taku.

“Ne e dinim që gjaku për Elvisin nuk shërbente më për shërimin e tij, por fatkeqësisht ushqente “bishën” që po i merrte jetën”-tregon Ervini, pak orë pasi djaloshi e humbi betejën me sëmundjen. Me kokën ulur qëndrojnë Eni, Rita, Fabjani e Andi.

Nga diagnostikimi përfundimtar në Tiranë e Selanik askush nuk u dorëzua megjithëse nuk kishte asnjë shans për jetën e tij. “Donim vetëm ta kishim pranë nesh”- thotë Andi.

Asnjë organizëm qeveritar apo shoqëror nuk do të bënte dot atë që bënë shokët e miqtë për Elvisin. Një këmbanë kujtese për ta.

“Nuk e dinim se sa shumë e paskan dashur djalin tonë”- ishte fjala e prindërve pak para se të ndaheshin përgjithmonë me birin e tyre.

 … E di se me ikjen e Elvis Hidrit kam patur mundësinë të njoh një pjesë të bukur të qytetit tim.

Solidaritetin e pafund dhe të heshtur të njerëzve.

Diçka që e shohim gjithnjë e më rrallë.

/portali DurresLajm/

Na bëni like në facebook!: 

Lajme nga e njëjta kategori

Orët e paradites do të dominohen nga moti i kthjellët në të gjithë Shqipërinë.

Operatori i Shpërndarjes së Energjisë Elektrike, OSHEE, njofton se në kuadër të masave për të rritur sigurinë në sistemin e shpërndarjes

Ditën e sotme Xhisiela Maloku, u paraqit para ambienteve të gjykatës për të mbështetur ish-të dashurin e saj, Rexhep Rraja, të cilin e ka

Ministrja e Drejtësisë, Etilda Gjonaj, në një deklaratë për shtyp njoftoi shkarkimin e 9 zyrtarëve dhe depozitimin e kallëzimit penal për

Dy kroçerat e fundit të programuara gjatë këtij sezoni turistik pritet të mbërrijnë në portin e Durrësit në 10-ditorin e fundit të muajit

Përgjimi ambjental mes të rinjve Rexhep Rraja dhe Xhisiela Maloku është kryer në Prokurorinë e Krujës, në datën 29 shtator, ndërsa dy të

Fotografi italian Luca Turi është vlerësuar me titullin “Qytetar Nderi” i Durresit për kontributin e dhënë në dokumentimin e ngjarjeve të

Një anije peshkimi 20 metra e gjatë, me tonazh 60 ton, është mbytur në portin e Durrësit.

Policia Bashkiake vazhdon me punën e saj të pandërprerë, për t’i dhënë Durrësit dhe qytetarëve të tij, hapësirat e dedikuara për ta, por

Rritja e sensibilitetit të publikut ndaj procesit të Vetting-ut është shoqëruar me shtimin e vazhdueshëm të denoncimeve të qytetarëve për