Bie sërish numri, 8 raste të reja sot! Tirana vatra më e madhe, më pas Durrësi

23/05/2020 - 11:15

Në 24 orët e fundit në vendin kanë rezultuar 8 persona pozitivë me Covid-19, nga 200 të testuar.

Në një deklaratë për mediat, Rovena Daja nga ISHP bëri me dije se shpërndarja gjeografike e rasteve është 5 në Tiranë, 2 në Durrës dhe 1 në Krujë, kontakte të rasteve të mëparshme pozitive. Të shëruar janë 6 qytetarë.

Në Durrës, numri i të infektuarve aktivë shkon kështu në 50, të gjitha lidhje me vatrën e nxehtë në qytet, fasonerinë. Të prekurit janë punonjës të fasonerisë dhe familjarë të tyre, por të gjithë në gjendje të qëndrueshme.

Ndërsa në Tiranë, numri i të infektuarve aktivë ka shkuar në 62.

Dr. Rovena Daja tha se situata epidemiologjike e Covid19 në Shqipëri paraqitet e qëndrueshme, aktualisht në shërbimin infektiv janë 16 pacientë të shtruar dhe vetëm 5 prej tyre në terapi intensive.

Fatmirësisht gjatë 3 javëve të fundit nuk kemi asnjë humbje jetë nga Covid-19 dhe ky është një indikator që tregon qëndrueshmërinë e këtij shpërthimi epidemik.

Deri më sot janë konfirmuar pozitivë 989 qytetarë me COVID-19. Prej tyre, rreth 79% janë të shëruar.

Në vendin tonë aktualisht janë 175 persona aktivë me COVID19, kryesisht ne Tiranë, Durrës Krujë, Shkodër.

COVID-19 – Statistika (23 Maj 2020)

  • Testime totale – 14459
  • Testime molekulare – 13133
  • Testime serologjike – 1326
  • Raste pozitive – 989
  • Raste të shëruara – 783
  • Raste Aktive – 175
  • Humbje jete – 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

  • Tiranë 62
  • Durrës 50
  • Krujë 27
  • Shkodër 10
  • Berat 10
  • Kamëz 9
  • Fier 4
  • Elbasan 1
  • Mirditë 1
  • Korçë 1

/portali DurresLajm/

Video: 
Na bëni like në facebook!: 

Lajme nga e njëjta kategori

Të hënën mbushet plot një vit nga tërmeti me magnitudë 5.8 Rihter, i cili shkaktoi në Durrës dëme materiale që në atë kohë u vlerësuan në

Java e ardhshme pritet të sjelljë ulje temperaturash në të gjithë territorin në të dyja ekstremet.

Inspektorati Kombëtar i Mbrojtjes së Territorit ka kryer sot për herë të parë një procedurë për shembjen e një godinë 13 katëshe në Durrë

Shpërthimet e forta të komanduara, të regjistruara rreth orës 16.30, shembën muret e brendshme të pallatit 13 katësh në lagjen nr.17 në D

Shpërthime të njëpasnjëshme janë ndjerë në të gjithë Durrësin vetëm pak minuta më parë.

Ministria e Shëndetësisë ka përditësuar të dhënat e Covid-19 në vend.

Në kuadër të javës evropiane të lëvizshmërisë, nënkryetari i bashkisë Durrës, Florian Tahiri është shfaqur në një formë tjetër, larg kost

Kjo e diel do të mbahet mend gjatë për familjen Çekirri në Ndroq.

Pas 8 javësh në terapi intensive, Indriti ia ka dalë të shërohet nga COVID-19.

Ky është i riu i arrestuar nga policia e Durrësit pas vrasjes së një 39-vjeçari mbrëmjen e së premtes dhe plagosjes së djalit të tij, 19