"Blind" për njerëzit e Shullazit?! Zbulohet pronari gjerman pas makinave luksoze

06/10/2017 - 19:44

   Flet Ergys Hoxha, i cilësuar si “furnizuesi” i makinave të blinduara të tipit “Benz” dhe “Audi”, dy prej të cilave sipas burimeve jo zyrtare të Prokurorisë së Tiranës dyshohet se janë përdorur nga Emiljano Shullazi dhe anëtarët e grupit të tij.

Tre makinat, njëra e tipit "Benz" dhe 2 të tjerat të tipit "Audi" ishin parkuar në garazhin e një pallati në kompleksin “Kika” në kryeqytet dhe tashmë janë bllokuar nga Prokuroria pas finalizimit të operacionit "Vjeshtë 2017".

Tregtari Ergys Hoxha thotë për newsbomb.al se është habitur kur ka parë emrin e tij në media të lidhur me bandën kriminale "Shullazi" dhe dëshiron ta sqarojë njëherë e mirë këtë histori, edhe në emër të shefit të tij, biznesmenit gjerman, R.A., i cili është pronari i këtyre makinave dhe pronari i një autosalloni të madh në Gjermani.

Intervista 

Çfarë ndodhi ditën e operacionit “Vjeshtë 2017” kur policia ju bllokoi tre automjetet e blinduara në garazh?
Nuk ka pasur një operacion. Unë sapo isha kthyer nga Gjermania kur më kanë kontaktuar nga Prokuroria dhe më kanë kërkuar një verifikim të të tre automjeteve për arsye se i kam pa targa. Shkova vetë dhe i dorëzova.

Dhe pse i mbanit makinat pa targa?
Për arsye sigurie. Pikërisht për të shmangur ndonjë ngatërresë. Një Audi tjetër e blinduar përshembull, mund të merrte targat e Audit tonë dhe kushedi për çfarë arsye mund ta përdorte. Këtë ia kam sqaruar edhe oficerëve.

Në pronësi të kujt janë tre automjetet e blinduara?
Automjetet janë të një kompanie gjermane, administratori, shefi im, i ka sjellë vetë makinat këtu, rezultojnë në emër të tij, kurse unë jam prej 5 vitesh punëtor i tij, mbuloj shitjet në Ballkan. Makinat janë të gjitha të regjistruara,  dy me targa të huaja dhe një me doganë.

Sipas informacioneve që dalin në rrugë jo zyrtare nga Prokuroria, dyshohet se makinat tuaja janë përdorur nga Emiljano Shullazi dhe anëtarët të grupit të tij...
Jo, nuk është fare e vërtetë. S’kam lidhje me këta persona. Këto makina as që kanë dalë në qarkullim. Kanë qenë tërë kohës në garazh. Ka kamera, ka pamje filmike, e gjitha kjo është lehtësisht e verifikuesheme. Makinat i kam dorëzuar vetë unë.
Ju akuzoheni se  i keni dhënë makina të blindura Elton Çiços vrarë në 1 maj te lokali “De Niro”, Ervin Dalipaj vrarë në autostradën Tiranë-Durrës dhe disa personave të tjerë me precedentë penalë...

E kam deklaruar edhe më herët. Ka qenë një reklamim makinash të një mikut tim. Dikush që do të marrë një makinë mund të çojë këdo për ta bërë dhe unë s’mund ta pyes as kush të solli, as ku i gjen paratë. Personi në fjalë donte të blinte një makinë, e ka marrë në provë një ditore për të parë gjendjen e motorit, ka ndodhur ngjarja...makina është tërhequr.

Makinat vazhdojnë të qendrojnë të bllokuara? Çfarë ju kanë thënë nga Prokuroria lidhur me to?
Po makinat vazhdojnë të jenë të bllokuara pasi vazhdojnë hetimet. Në bisedën që kanë bërë edhe me shefin tim, ata nuk kanë pasur pretendime për makinat por kërkuan një listë të klientëve që i kanë blerë makinat, pyetën nëse i kanë blerë me lekë kesh dhe nga u vjen burimi i parave. Ne i thamë edhe atyre që kjo është një gjë që s’na takon ta hetojmë, ne jemi një biznes, kemi dokumentacionet e nevojshme dhe ushtrojmë aktivitet të rregullt. Shefi, i cili ka shtetësi gjermane, ka 20 vjet që merret me tregti makinash, ka edhe licencë për shitje automjetesh në të gjithë botën. Ka të drejtë edhe të terheqë automjetet e përdorura nga shteti gjerman.

Pse e lidhin operacionin “Vjeshtë 2017” me emrin tuaj dhe bandën e Shullazit?
Këtë nuk di ta them por më duket e gjitha një show. Si për të treguar që diçka doli nga këto operacione. Edhe shifrat që japin këta për makinat e blinduara janë qesharake. Lexoj që thonë se kapin vlerën e 1 milion eurove, e vërteta është shumë larg. Kushtojnë shumë herë më pak. E shoh më shumë si një goditje nga bizneseve se sa ndaj pasurisë kriminale.

Me makinat unë punoj prej vitesh, kam kryer shërbime edhe për qeverinë shqiptare dhe deri tek anëtarët e aleancës së NATO-s. Mund të vë edhe në dispozicionin tuaj si media gjithë dokumentacionin e nevojshëm për aktivitetin e ushtruar. /Newsbomb

/portali DurresLajm/

Na bëni like në facebook!: 

Lajme nga e njëjta kategori

Ditën e sotme, Valbona Sako, kandidatja e PS-së që fitoi në Durrës në zgjedhjet e 30 qershorit, nuk e mori mandatin pasi gjyqtarja Mimoza

Situata politike shqiptare vijon të shqetësojë diplomacinë amerikane.

Ministri i Brendshëm Sandër Lleshaj ka dhënë një informacion të ri dhe shumë të rëndësishëm për kartat e identitetit.

Komisioneri publik kërkoi shkarkimin nga detyra të kryetarit të Gjykatës së Lartë Xhezair Zaganjori në seancën e mbajtur në Kolegjin e Po

Banka e Shqipërisë ka reaguar një ditë pas shkresës që grupi parlamentar i PS-së i dërgoi Kuvendit për shkarkimin e Arben Malajt nga anët

Në kuadër të zbatimit të planit të gjerë operacional për luftën kundër informalitetit, Inspektorati i Punës dhe Sektori

Gjykata e Durrësit nuk i ka dhënë mandatin e kryebashkiakes Valbona Sakos, e cila u shpall fituese në votimet e 30 qershorit.

Shpërthimi i bombolës së gazit në një argjendari të hënën në zonën e ish-Bllokut ishte vetëm një nga rastet e rënda që ne dëgjojmë thuajs

Sektori i Policisë Rrugore në Drejtorinë Vendore të Policisë Durrës, bën me dije se për shkak të punimeve që po kryhen në hyrje të qyteti