Bllokohen në kufi 762 kg produkte ushqimore të skaduara

15/05/2019 - 14:56

Autoriteti Kombëtar i Ushqimit ka bllokuar në kufi 762 kg produkte ushqimore të skaduara.

Në Pikën e Inspektimit Kufitar në Morinë, janë bllokuar 762 kg yndyrë gatimi e skaduar (majonezë, ketchup dhe xhel karameli). Ngarkesa me këto produkte ishte nisur nga Kosova dhe pretendohej per ri-eksport në Shqipëri. Inspektorët e AKU-së gjatë kontrollit në kufi kanë konstatuar këto mangësi.

1.Produktet nuk përputheshin me dokumentacionin që shoqëronte këtë ngarkesë, konkretisht raport-analizat nuk i përkisnin këtyre produkteve.

2.Në certifikatën e cilësisësë ri-eksportit origjina ishte shkruar Kosovë.

3.Produktet e ngarkesës (majonezë, ketchup, xhel karameli) nuk kishin të shënuara në etiketë numrin e Lott-it dhe datën e prodhimit dhe skadencës

4.Produkti yndyrë gatimi në etiketë kishte të shënuar “preferohet të përdoret para datës 30.03.2016” nderkohë që në ambalazh (kapaku i kutise plastike) kishte të shënuar datën 11.06.2019.

Në bazë të legjislacionit në fuqi, AKU nuk lejoi futjen e këtyre produkteve në territorin e Republikës së Shqipërisë. Ngarkesa me produktet ushqimore të skaduara u kthye në vendin nga ishte nisur. Me ndryshimet në Kodin Penal që do të miratohen së shpejti masat ndëshkuese ndaj kujtdo që abuzon me sigurinë ushqimore do të jenë tejet të ashpra dhe parashikojnë dënim me burg.

*Data reale në etiketimin e produktit, ndërsa data mbi plastike është ajo e mashtrimit e cila është shënuar me lazer.

"Ne nuk do të lejojmë askënd që të abuzojë me shëndetin e konsumatorëve shqiptarë. Nëse sot do të kishim gati ndryshimet në Kodin Penal dhe nuk do të ekzistonte vakumi ligjor që kemi, një rast si ky që goditëm në pikën kufitare të Morinës do të shkonte për ndjekje penale dhe subjekti do të ndëshkohej me burg. Siguria ushqimore është prioritet i punës tonë dhe për asnjë rast nuk do të ketë tolerim ndaj abuzuesve. Ftojmë konsumatorët të jenë bashkëpunues me AKU-në duke denoncuar rastet që konstatojnë se ka abuzim. Siguria ushqimore është një çështje e të gjithëve dhe që kërkon angazhim të përbashkët", thuhet në njoftimin e AKU-së.

/portali DurresLajm/

Na bëni like në facebook!: 

Lajme nga e njëjta kategori

Operacioni Ndërkombëtar i  Monitorimit (ONM) u është përgjigjur pyetjeve të bërë nga mediat lidhur me çështjen e gjyqtarit Luan Daci.

Shtyhet sërish gjyqi për ish-ministrin e Brendshëm, Saimir Tahiri në Gjykatën e Apelit.

Arben Saliu, drejtori i Drejtorisë së Standardeve Profesionale në Policinë e Shtetit ka radhën të paraqitet para Vettingut.

Mjeku i njohur, Tritan Kalo, i jep një tjetër mesazh të fortë politikës shqiptare, në këto kohë të vështira të përhapjes së koronavirusit

Në vendin tonë moti sot do të jetë i alternuar me kthjellime dhe vranësira duke sjellë mot kryesisht të kthjellët që herë pas here do të

Qendra për Zhvillimin e Shoqërisë Civile (CSDC) Durrës ka hartuar një raport që bazohet mbi monitorimin që i ka bërë kjo qendër bashkisë

Është porti më i madh në vend dhe një nga qytetet më të rëndësishme të vendit, por Durrësi ka mbetur prapa në kontributin e dhënë për rri

Operacioni Ndërkombëtar i Monitorimit i cili ka një rol të rëndësishëm në procesin e Vettingut është përgjigjur për çështjen e anëtarit t

Në kushtet e pandemisë së COVID 19 qeveria ka vendosur gjatë mbledhjes së sotme të ndryshojë aktin normative të masave në gjykata.

  • Përsëri ATRAC (Adriatic Training and Research Centre} RJEKA, trajnon specialistët tanë të mjedisit për ngritjen dhe forcimin