"Çdo histori ka prekur zemrat e njerëzve", 51 trëndafila të bardhë në nderim të viktimave të tërmetit, UAMD hap sërish dyert

09/12/2019 - 11:06

Mëngjesin e 9 dhjetorit, studentët e Universitetit "Aleksandër Moisiu" në Durrës iu rikthyen auditorëve pas tërmetit që tronditi vendin më 26 nëntor.

Rektorja e Universitetit "Aleksandër Moisiu", Prof. Dr. Kseanela Sotirofski, e shoqëruar nga dekanët dhe administrata universitare, organizoi në Kampusin Universitar një ceremoni në shenjë kujtimi dhe solidariteti për nder të viktimave të kësaj katastrofe natyrore.

Gjatë ceremonisë u mbaj një minutë heshtje, ndërsa 51 studentë vullnetarë mbanin në duar 51 trëndafila të bardhë në nderim të 51 viktimave të tërmetit.

"Në emrin tim personal, në emër të stafit dhe studentëve të Universitetit "Aleksandër Moisiu", shpreh solidaritetin e thellë me familjet që në tërmetin e 26 nëntorit kanë humbur njerëzit e tyre të dashur. Lutemi që viktimat të prehen në paqen e amëshuar. I paharruar kujtimi i tyre!

Shqetësimi i studentëve dhe prindërve këto ditë për sigurinë e godinave universitare ka qenë edhe shqetësimi ynë. Ne kemi marrë garancitë e nevojshme që fëmijët tuaj, fëmijët tanë të kenë kushte dhe mjedise të sigurta për vazhdimin e procesit mësimor.

Përtej kësaj, stafi ynë është përkushtuar, nga pedagogët - veçanërisht kolegët e Psikologjisë - deri te oficerët e sigurisë, që të mundësojmë rikthimin në ritmin e zakonshëm të mësimdhënies dhe formimit të vazhdueshëm.

Dy fjalë që jo rastësisht i lashë për në fund. Faleminderit nga zemra studentëve vullnetarë. Thonë që akti më i vogël i mirësisë vlen më shumë sesa qëllimi më madhështor. Çdo histori e juaja ka prekur zemrat e njerëzve. Jeni shndërruar në shëmbëllim të humanizmit, forcës dhe shpresës. Vullnetarizmi juaj do ta mbajë gjithmonë Durrësin dhe Shqipërinë në këmbë! U shtofshin shembujt si ju!", tha gjatë fjalës së saj Rektorja Sotirofski.

/portali DurresLajm/

Video: 
Na bëni like në facebook!: 

Lajme nga e njëjta kategori

Gjatë kësaj të diele, janë evidentuar 34 drejtues mjetesh që qarkullonin me shpejtësi tej normave të lejuara, të cilëve iu është pezullua

Këshilli Bashkiak Durrës pritet të marrë nesër (e hënë 10 gusht) në mbledhjen tjetër jashtë radhe, edhe 4 vendime të tjera rë rëndësishme

Sezoni veror dhe ardhja e emigrantëve ka shtuar tentativat në pikat kufitare të vendit për të kaluar para të cilat nuk deklarohen.

Ministria e Shëndetësisë në daljen e sotme publike njoftoi se 6 persona kanë humbur jetën nga Covid në 24 orët e fundit. 

Gjatë orëve të natës, Këshilli i Ministrave i qeverisë Conte ka miratuar një dekret të ri përsa i përket masave të ruajtjes së shëndetit

Përmbaruesit e dyshojnë ministren e Drejtësisë se po tejkalon kompetencat që i kanë dhënë ligjet e reformës në drejtësi për profesionin e

Përmes një postimi në Facebook, gazetarja e kronikës Anila Hoxha ka paralajmëruar se një tjetër emër i njohur i botës së krimit do të kth

Pedagogu i Universitetit të Arteve dhe skulptori i njohur, Arben Bajo humb betejën me Covid-19.

Këtë të diel, deri në mesditë moti parashikohet të mbetet në ndikimin e kthjellimeve dhe vranësirave të lehta.

“Është taktika që ndjek korrupsioni i nxitur nga babëzia. Gjithçka fillon dhe mbaron te babëzia.”