Cigaret kontrabandë, 6 muaj në portin e Durrësit

26/12/2012 - 19:02

DURRES - Dogana e Durrësit kap dhe sekuestron 950 koli cigare kontrabandë, 6 muaj pasi kontenieri me mallin pa pullë fiskale qëndronte në terminalin e konteinerëve.

Nëndrejtori i përgjithshëm i doganave, Qazim Mërlika, bëri të ditur pasditen e sotme se në një konteiner që qëndronte prej mëse 6 muajsh në ambientet e terminalit të konteinerëve janë gjetur nga punonjësit e doganës 950 koli me cigare pa pullë fiskale, me vlerë 500 mijë euro.

Nëndrejtori Mërlika nuk pranoi të japë as emrin e subjektit importues dhe as të dhëna të tjera lidhur me këtë çështje, pasi deklaroi se gjithçka ishte nën hetim e sipër. Mërlika pranoi se subjekti importues ishte nga Pogradeci, por nënvizoi se ende nuk është ndaluar asnjë person për kontrabandën e cigareve. Ndërkohë mësohet se sasia e cigareve pa pullë fiskale ka mbërritur në portin e Durrësit nga Singapori dhe sipas autoriteteve subjekti importues, pas mbërritjes së mallit nuk është interesuar për tërheqjen e tij.  

“Prokuroria, dogana, policia dhe efektivët e krimit ekonomik janë duke hetuar mbi këtë çështje, por për arsye hetimore nuk mund të jap të dhëna të mëtejshme. Dua të theksoj se Drejtoria e Përgjithshme e Doganave është e vendosur për të vazhduar luftën e saj me tolerancë zero kundër fenomenit të kontrabandës”,- tha Merlika.

Pas një qëndrimi prej mëse 6 muajsh në portin e Durrësit, të një konteineri të mbërritur nga Singapori, autoritetet doganore kanë vendosur të ndërhyjnë. Pas hapjes së konteinerit është zbuluar sasia e cigareve kontrabandë dhe është bërë sekuestrimi i mallit, i cili do të dërgohet për në Rezervën e Shtetit.  

 

 

/portali DurresLajm/

Na bëni like në facebook!: 

Lajme nga e njëjta kategori

Prej rreth një jave anijet e flotës së peshkimit në Durrës qëndrojnë të ankoruara për shkak të motit të keq.

Disa persona, siç duket familjarë me njëri-tjetrin pasi dy prej tyre janë një çift pleqsh dhe një tjetër është fëmijë, kanë tërhequr vëme

I ftuar në një konferencë me temë "Menaxhimi dhe përdorimi i pasurive të sekuestruara", ambasadori i BE-së Luigi Soreca nënvizoi nevojën

Punonjësit e IKMT-së kanë vazhduar procesin e shembejve duke prishur 2 godina dykatëshe në zonën e Astirit, që është rrethuar mëngjesin e

18 leje drejtimi janë pezulluar në vetëm tre orë kontrolli nga patrullat e policisë rrugore në aksin Tiranë-Elbasan.

Vendi ynë sot do të mbizotërohet nga alternime kthjellimesh dhe vranësirash të cilat do të sjellin reshje shiu me intensitet të ulët.

Inspektorati Kombëtar i Mjedisit dhe Territorit (IKMT) do të zhvillojë ditën e sotme një tjetër aksion tek Unaza e Re, për shembjen e të

Eurodeputetja Doris Pack ka folur në lidhje me faktin se Arta Vorpsi u betua para noterit e jo para presidentit të Republikës.

Gazetari i njohur Marin Mema ka qenë i pranishëm mbrëmjen e sotme në ceremoninë e diplomimit të studentëve të Universitetit Bujqësor të T

Ka nisur me rreth 10 minuta vonesë emisioni “Open” i gazetares Eni Vasili në Top Channel mbrëmjen e së enjtes.