Pasi qeveria shqiptare dëboi dy diplomatët iranianë, Morgan Ortagus, zëdhënësja e Departamentit Amerikan të Shtetit, ka përshëndetur dhe lavdëruar vendimin e marrë nga pala shqiptare.
Të mërkurën, qeveria shqiptare njoftoi për dëbimin e dy zyrtarëve iranianë, shtetasit Seyed Ahmed Hosseini Alast dhe Mohamed Peimanemati, ku Zëri Amerikës raportoi se këta dy diplomatë kishin qenë bashkëpunëtorë të gjeneralit të vrarë iranian Qassem Suleimani.
“Ne e lavdërojmë vendimin e qeverisë së Shqipërisë për të dëbuar dy diplomatët e ashtuquajtur Iran. Regjimi iranian vazhdon të përdorë objektet e tij diplomatike në Evropë dhe gjetkë si mbulesë për të komplotuar sulme terroriste, si dhe për të kërcënuar dhe spiunuar iranianët që jetojnë jashtë” – shkruhet në reagimin e DASH.
