Det dhe erë e tërbuar në portin e Durrësit, trageti ankorohet gjatë stuhisë (VIDEO)

22/12/2019 - 16:05

Trageti ankorohet mes stuhisë në portin e Durrësit, zbarkon pasagjerët dhe niset sërish drejt Barit. Kushdo që ka zgjedhur të udhëtojë me traget në dy ditët e fundit, nuk e ka pasur aspak të lehtë.

Moti i keq që ka përfshirë gjirin e Durrësit, por edhe të gjithë vendin e ka bërë mjaft të vështirë lëvizjen e trageteve. Në pamjet filmike që po publikon DurrësLajm nga terminali i trageteve duket qartë era dhe deti i tërbuar, që kanë shkaktuar edhe vonesa në mbërritjen e trageteve.

Për shkak se jemi në prag të festave të fundvitit, të shumtë janë emigrantët shqiptarë që presin në portin e Barit, për t’u rikthyer në atdhe. Kapitaneria e portit të Durrësit pati njoftuar ditë më parë se në fundjavë dhe në ditët e para të javës së ardhshme, tragetet që lidhin portin më të madh në vend me portet e Italisë do të bëjnë dy udhëtime në ditë, për shkak të fluksit të lartë të udhëtarëve.

Për shkak të kushteve aspak të favorshme detare, një nga tragetet e linjës Bari-Durrës që duhej të mbërrinte në mëngjes në Durrës ka shtyrë lundrimin dhe është nisur drejt portit shqiptar mëngjesin e sotëm. Ndërkohë një tjetër traget ka mbërritur me vonesë prej dy orësh.

Deti regjistron forcën 8 ballë të shkallës Boufort dhe nesër situata do të vazhdojë e njëjtë, por era do të ndryshojë drejtim. Ajo do të fryjë në drejtimin veriperëndim duke sjellë dhe ulje temperaturash, ndërsa deti do të ketë forcën 7 ballë.

/portali DurresLajm/

Video: 
Na bëni like në facebook!: 

Lajme nga e njëjta kategori

Flamuri turk me gjysmëhënë është shfaqur në godinën e Universitetit Politeknik të Tiranës.

Pas vdekjes së kompozitorit të njohur Avni Mula ka reaguar edhe lideri i opozitës, Lulzim Basha.

Pak pas vdekjes së kompozitorit të njohur Avni Mula, ka ardhur reagimi i kryeministrit Edi Rama.

Pedagogu Arlind Qori ka lajmëruar se është infektuar me Covid-19 dhe është shëruar.

Pesë punonjës të Shërbimit të Hemodializës në Qendrën Spitalore “Nënë Tereza” kanë rezultuar pozitiv me COVID-19.

Rektorja e Universitetit "Aleksandër Moisiu", Kseanela Sotirofski ka zhvilluar sot një takim me drejtorin e Dhomës së Tregtisë dhe Indust

Ministria e Shëndetësisë ka informuar lidhur me situatën epidemiologjike në 24 orët e fundit të COVID19 në Shqipëri.

Zv/ministrja e Shëndetësisë, Mira Rakacolli ka njoftuar se Komiteti Teknik i Ekspertëve ka propozuar masa shtesë për frenimin e përhapjes

Guvernatori i Bankës së Shqipërisë, Gent Sejko preket nga koronavirusi.

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.