Dhurohen pajisje për seksionin e mbrojtjes së mjedisit në portin e Durrësit (FOTO)

15/03/2019 - 21:46

Në zbatim të projektit "Menaxhimi i ndotjes detare dhe bregdetare për rritjen e sigurisë në det dhe porte, në përputhje me ligjin dhe politikën detare të BE", zbatuar nga UNDP me financim të qeverisë kroate në partneritet me Ministrinë e Energjisë dhe Infrastrukturës dhe atë të Mjedisit, më datën 15 mars u bë dhurimi i disa pajisjeve të cilat shërbejnë për cdo emergjencë mjedisore në portin e Durrësit.

Dhurimi i pajisjeve u bë nga përfaqësuesit e UNDP ALBANIA, zonja Violeta Zuna dhe Eno Dodbiba  dhe përfaqësuesve të Autoritetit Portual, drejtore e këtij sektori Blerina Hasani dhe specialistëve të mjedist në këtë port. Këto pajisje janë komplete te nevojshme për çdo specialist apo person që mer pjesë në operacionet mjedisore.

Konkretisht pompë dispresanti me presion për pastrimin e ambientit të ndotur, doreza dhe kapele mbrojtëse, mushama mbrojtëse, doreza lëkure, canta plastike të papërshkueshme nga nafta, cizme gome, kominoshe, etj. Në këtë mënyrë UNDP Albania pajis me komplete mbrojtëse 20 persona të specializuar në operacionet mjedisore. Paraprakisht stafi i UNDP ALBANIA zhvilloi një takim të vecantë me Drejtorin e Përgjithshëm Ekzekutiv të portit Durrës, zotin Agron Tare dhe zv/drejtorin Petrit Cercizi, ku diskutuan cështje të mbrojtjes së mjedisit në portin e Durrësit dhe problemet e hasura gjatë zbatimit të ligjit me subjektet private dhe institucionet e tjera shtetërore.

Për këto cështje UNDP ALBANIA do afrojë konsulencën e vet. Theksojmë se në vijim të këtij projekti të rëndësishëm për mjedisin detar në vendin tonë, UNDP Albania do pajisë me mjete mbrojtëse dhe personelin që operon në këtë fushë në portin e Vlorës, Sarandës dhe Shëngjinit. Ndërkohë më parë UNDP Albania me ndihmën e Qëndrës kroate të trajnimeve në fushën e detit, ATRAC, ka trajnuar rreth 40 specialistë të kësaj fushe në shkallë vendi.

Pra, kjo është faze dytë e zbatimit të këtij projekti, dhurimi i pajisjeve për sektorët e mbrojtjes së mjedisit në portet e vendit, për ti bërë ata më të sigurtë dhe në fushën e ndotjeve mjedisore. Vlera e këtyre pajisjeve kap shifrën e 10 mijë eurove. Projekti vazhdon.

/portali DurresLajm/

Na bëni like në facebook!: 

Lajme nga e njëjta kategori

Në kuadër të nismës së bashkisë së Durrësit për pastrimin e qytetit në "Ditën Botërore të Pastrimit", edhe stafi i Ujësjellës Kanalizime

Bashkia e Durrësit i është bashkuar nismës "Të pastrojmë Shqipërinë në një ditë" në Ditën Botërore të Pastrimit.

Këshilli i Lartë i Prokurorisë do të mblidhet ditën e hënë, ku do të miratojë listën e kandidatëve për Prokurorin e ri të Përgjithshëm.

Anija shqiptare "Oriku" dhe ekuipazhi i saj që ndodhet me mision në detin Egje, ka shpëtuar në tre operacione të ndryshme 111 emigrantë.

Ministria për Europën dhe Punët e Jashtme ka shpallur 12 vende të lira në Shërbimin Diplomatik shqiptar.

Këtë të shtunë, Shqipëria do të vijojë me kthjellime dhe vranësira të herë pas hershme në zonat bregdetare dhe në zonat e ulëta, por vran

Gjykata e shpalli ish-ministrin e Brendshëm Saimir Tahiri të pafajshëm për trafik droge dhe fajtor për shpërdorim detyre.

Në kuadër të “Javes Europiane të Lëvizjes”, Bashkia Shijak në bashkëpunim me kopshtet dhe shkollat zhvilluan aktivitete të ndryshme sensi

Bllokohet një anije ruse e ngarkuar me grurë në portin e Durrësit.

Fundjava me diell do t`i lërë vendin ditëve me reshje dhe temperatura të ulta.