Gjyqtari i Gjykatës se Apelit të Tiranës, Gjin Gjoni ka dhënë dorëheqjen.

Përmes një letre dorëzuar në Këshillin e Lartë Gjyqësor, Gjoni ka sqaruar edhe arsyet e këtij vendimi.

“E vetmja mënyrë që ka mbetur për t’i shërbyer publikut është të dorëhiqem dhe të përballem në mbrojtje të interesit publik duke qenë në ballë të luftës për drejtësi, duke mos lënë padrejtësinë të marrë përpara këdo vetëm nga frika e “pushkatimit pa gjyq”. Qëndrimi im ndaj standardeve dhe vetë sistemit të drejtësisë do të jetë nga sot e tutje jo vetëm i njëjti por do të vijoj betejën në të gjitha dimensionet dhe mundësitë për t’i shërbyer vlerave dhe parimeve që i besoj dhe që i shërbeva deri më sot”, shkruan ai.