Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Durrës, “Nderi i Qytetit” për Emmiyan dhe Karamarinov

26/05/2013 - 23:04

Maratona ballkanike 2014 në Durrës

 DURRËS, 26 maj 2013- Legjenda botërore e atletikës njëkohësisht president i federatës armene të atletikës Robert Emmiyan, si dhe presidenti i Federatës Bullgare të Atletikës dhe President i Shoqatës së Federatave të Atletikës të Ballkanit Dobromir Karamarinov nderohen nga qyteti i Durrësit. Në takimin e zhvilluar në bashkinë e Durrësit merrte pjesë edhe presidenti i Federatës Shqiptare të Atletikës Gjergj Ruli. Kryebashkiaku Vangjush Dako dhe Emmiyan e Karamarinov kanë biseduar për realizimin e Maratonës Ballkanike të vitit 2014 në Durrës. Dako deklaroi se zhvillimi i kësaj maratone ballkanike vitin e ardhshëm në qytetin bregdetar do të promovonte jo vetëm sportin, por edhe vlerat e traditat e Durrësit dhe të gjithë Shqipërisë në arenën ndërkombëtare. Maratona ballkanike e cila gjeti mbështetjen e plotë të Bahkisë së Durrësit do të jetë një aktivitet me përmasa gjigande ku pritet të marrin pjesë mijëra atletë nga shumë vende të Ballkanit. Maratona parashikohet të nisë nga Amfiteatri Antik dhe pasi të përshkojë të gjithë bregdetin e Durrësit do të përfundojë sërish aty ku u nis. Kjo do të jetë Ballkaniada e parë, që Shqipëria pret qysh prej 60 vjetësh.

Të dy figurat e atletikës botërore ndodhen në Shqipëri në kuadër të turneut ndërkombëtar të atletikës që u zhvillua në Tiranë dhe që mban emrin e Robert Emmiyan i cili është shpallur sportisti më i mirë i shekullit për Evropën. Në këtë turne merrnin pjesë 140 sportistë nga Shqipëria, Kosova, Maqedonia, Bosnje Hercegovina, Rumania, Bullgaria, Armenia etj. Dy emrave të mirënjohur të atletikës botërore Robert Emmiyan dhe Dobromir Karamarinov iu akordua titulli "Nderi i Qytetit" për kontributin që japin këto dy figura jo vetëm në zhvillimin e sportit të atletikës, por edhe në promovimin e vlerave të qytetit të Durrësit, por edhe të Shqipërisë, kontribut ky që synohet të arrijë kulmin vitin e ardhshëm me zhvillimin e maratonës ballkanike në Durrës

/portali DurresLajm/

Na bëni like në facebook!: 

Lajme nga e njëjta kategori

Janë publikuar pamjet e renda të ekzekutimit të biznesmenit Bledar Birçaj, në Vlorë, mesditën e sotme.

Ministrja e Shëndetësisë, Ogerta Manastirliu, u shpreh sot se Shqipëria tashmë ka dalë nga zona e riskut, pasi është ulur numri i viktima

Komisioneri për Zgjerimin dhe Fqinjësinë në Bashkimin Evropian, Oliver Varhelyi ka theksuar se takimi i Këshillit të Punëve të Jashtme të

Bashkia e Durrësit ka hapur ditën e sotme një tjetër tender të rëndësishëm me një vlerë të konsiderueshme 87,006,741.00 lekë të reja, ndë

Prej disa ditësh, situata e menaxhimit të mbetjeve urbane në qytetin e Durrësit dhe rrethinat e tij paraqitet mjaft kritike.

Këshilli i Bashkimit Europian u ka dërguar një letër më datë 5 maj të gjithë vendeve anëtarë të BE-se para mbledhjes së sotme me ministat

Të gjithë shqiptarët që tashmë e kanë marrë dozën e dytë të vaksinës, mund të pajisjen me pasaportën e gjelbër.

Ministria e Shëndetësisë ka raportuar se në 24 orët e fundit në vend janë kryer 1444 testime, nga të cilat kanë rezultuar pozitivë 30 qyt

Kreu i SPAK, Arben Kraja pak minuta më parë në një deklaratë për mediat pas mbledhjes në kuadër të 108 vjetorin e  Ditës së Drejtësisë, u