Durrës, kapet grupi kriminal i tregtimit të bombave-celularë (FOTO & VIDEO)

15/07/2014 - 10:45

Durrës, 15 korrik 2014 – Operacioni i koduar policor “Profesionisti”, i kryer nga Sektori për Trafiqet dhe Narkotikët në bashkëpunim me Prokurorinë për Krimet e Rënda ka prangosur 3 persona që trafikonin mina me celular nga Mali i zi në drejtim të Shqipërisë dhe Greqisë.

Në përfundim të këtij aksioni u arrestuan në flagrancë tre organizatorët e këtij trafiku:

1-Kleo Gjinkola, 22 vjeç, lindur dhe banues në Shëngjin, Lezhë, me detyrë ushtar profesionist me pagesë pranë repartit ushtarak 1010, Vau i Dejës, Shkodër.

2-Alban Dodaj, 22 vjeç, lindur dhe banues në fshatin Laim i Ri, Lezhë, me detyrë ushtar profesionist me pagesë pranë repartit ushtarak 1010, Vau i Dejës, Shkodër.

3-Fran Kola, 25 vjeç, lindur dhe banues në Balldre, Lezhë, me detyrë ushtar profesionist pranë repartit ushtarak 1010, Vau i Dejës, Shkodër.

Gjatë operacionit u sekuestruan 7 mina të telekomanduara me anë të telefonave celularë, që përbëheshin nga 7 eksplozivë të llojit C4; 7 telefona celularë të lidhura me eksplozivët me material sinjal përcjellës dhe 7 mekanizma shpërthyes detonator.

Hetimet mbi këtë grup kriminal kanë nisur tre muaj më parë, pasi policia e Durresit u sinjalizua mbi një linjë të trafikimit të minave me celular nga Mali i Zi në drejtim të Shqipërisë dhe Greqisë.

Sipas hetuesve, secili nga të ndaluarit kishte rol kyç në këtë trafik, që nga sigurimi i lëndës plasëse C4 në Mal të Zi, e deri tek montimi i tyre me aparatet telefonike celulare dhe më tej tregtimin e tyre si brenda vendit, por edhe drejt shtetit grek. Nga hetimet rezultoi se këta shtetas kishin arritur të tregtonin mina me telekomandë me një çmim që varionte nga 1800 deri ne 2500 euro.

Tre ushtarët profesionistë akuzohen për veprën penale “Trafikim i lëndëve plasëse, djegëse helmuese dhe radioaktive”, vepër kjo e kryer në bashkëpunim. Tre të ndaluarit rrezikojnë deri në 20 vite burg.

/agjencia e lajmeve “Dyrrah”/

 

 

/portali DurresLajm/

Video: 
Na bëni like në facebook!: 

Lajme nga e njëjta kategori

Gjykata e shpalli ish-ministrin e Brendshëm Saimir Tahiri të pafajshëm për trafik droge dhe fajtor për shpërdorim detyre.

Në kuadër të “Javes Europiane të Lëvizjes”, Bashkia Shijak në bashkëpunim me kopshtet dhe shkollat zhvilluan aktivitete të ndryshme sensi

Bllokohet një anije ruse e ngarkuar me grurë në portin e Durrësit.

Fundjava me diell do t`i lërë vendin ditëve me reshje dhe temperatura të ulta.

Ditën e fundit të shtatorit, në teatrin “Aleksandër Moisiu” të Durrësit, të gjithë të interesuarit do të mund të ndjekin një spektakël nd

Specialistët e krimit ekonomik kanë shoqëruar në polici për t’i marrë në pyetje 9 punonjës të Kadastrës së Durrësit.

Drejtori i Përgjithshëm Ekzekutiv i Autoritetit Portual Durrës, Agron Tare, ka pritur në takim një delegacion të Ambasadës së Shteteve të

Zëvëndësministri i Drejtësisë Toni Gogu është liruar nga detyra.

Ambasada amerikane në Tiranë ka reaguar në lidhje me rastin e dënimit të ish-ministrit, Saimir Tahiri mbrëmjen e të enjtes.