Një grup punëtorësh të koncesionarit të kalatës lindore në portin e Durrësit e kanë nisur me protestë vitin e ri 2019.
Viti i Ri 2019 duket se ka nisur me probleme për punëtorët e “EMS Albania” port operator shpk.
Sipas 14 elektrovinçierëve, që nga data 26 dhjetor e vitit 2018, ata nuk janë paguar, ndërkohë që secili prej tyre ka marrë 3 vërejtje me paralajmërim për pushim nga puna. Këtë fakt e konfirmon kryetari i sindikatës, i porsazgjedhuri Telha Dedej.
Në mbështetje të punëtorëve të kalatës lindore në portin e Durrësit ka dalë sindikata e pavarur. Krijimi i sindikatës së punëtorëve është bërë shkak i verejtjeve për punëtorët. Ata kanë deklaruar se do të protestojnë deri në realizimin e të gjitha kërkesave të tyre.
K.H.
