Durrës, firmosi patentat e Tahirit, zyrtari tregon takimin me ish-ministrin

07/11/2017 - 18:33

   Hamdi Domi, në cilësinë e Përgjegjësit të sektorit të mjeteve lundruese e detare, që ka firmosur lejet e ish-ministrit, ka shpjeguar se si është pajisur me dy patentat Saimir Tahiri.

“Sa i përket procedurave që ne kryejmë për leje, dua të theksoj se ndiqen dy praktika: E para, nëse personi është pajisur me leje lundrimi para vitit 2011, kryhet vetëm rinovimi i saj. Ndërsa praktika e dytë, që bëhet për lejet e dhëna pas vitit 2011, kemi një rregullore të re, e cila konsiston në kryerjen e një kursi nga çdo person që kërkon të pajiset me leje lundrimi. Tahiri është pajisur me leje lundrimi para vitit 2011 dhe këtë verë ai ka bërë rinovimin e saj. Kjo bëhet në mënyrë automatike dhe pa burokracira për të gjithë të interesuarit. Saimir Tahiri ka ardhur vetë në zyrën time dhe ka kërkuar rinovimin e lejes së lundrimit”, u shpreh Hamdi Domi.

Sipas shpjegimit të dhënë prej tij, lejet për lundrim që ka marrë Tahiri në kapitanerinë e Durrësit, kanë qenë njëra për mjete detare deri në 7 metra të gjatë dhe tjetra për mjete deri në 15 metra.

Rinovimi për njërën patentë (atë me përmasa më të vogla të mjetit lundrues) është bërë më 26.07.2017 si drejtues mjeti “Skipper”. Ndërsa sipas tij, rinovimi për lejen tjetër të lundrimit po për “Skipper”, është bërë në vitin 2015.

“Nuk është gjë e vështirë të pajisesh me leje lundrimi, mjafton të kryesh kursin e përcaktuar dhe e merr këtë leje. Ne kemi të regjistruar mbi tetë mijë persona, të cilët i kemi pajisur me leje lundrimi”, u shpreh më tej Hamdi Domi. /Panorama

/portali DurresLajm/

Na bëni like në facebook!: 

Lajme nga e njëjta kategori

Ministrja e Shëndetësisë Ogerta Manastirliu, duke folur për situatën COVID në vend u shpreh se mosha mesatare e të prekurve nga ky virus

Një foshnje 2-muajshe është infektuar me Covid-19 dhe është i shtruar në spitalin infektiv, pasi ka shfaqur simptoma.

Ndonëse shtetasit e Shqipërisë ende nuk mund të fluturojnë lirisht në vendet e Bashkimit Europian, apo dhe shteteve të tjera, për shkak t

Shpallet konkursi për 14 vende pune në bashkinë e Durrësit, mes posteve të lira edhe dy drejtori të rëndësishme

Të shtëna me armë zjarri u regjistruar pasditen e sotme në Durrës, ndërsa për fat të mirë nuk ka pasur persona të plagosur.

Policia e Durrësit zhvilloi ditën e sotme një aksion të beftë policor kundër lëndëve narkotike ku arrestoi 5 persona.

1,600 punonjës policie janë angazhuar për mbarëvajtjen e rendit dhe sigurisë në zonat turistike dhe ato bregdetare.

Tamponët që tregojnë nëse je pozitiv apo negativ ndaj Covid-19, tanimë do të bëhen edhe në laboratorin e mikrobiologjisë në Qendrën Spita

Prokuroria e Posaçme kundër Korrupsionit dhe Krimit të Organizuar Tiranë (SPAK) në bashkëpunim me policinë gjyqësore të Drejtorisë Vendor

Tre nga katër rastet e reja me Covid-19 të konfirmuara nga Ministria e Shëndetësisë sot në qytetin bregdetar janë punonjës të Inspektoria