Durrës, gjimnazi "Gjergj Kastrioti" feston 50-vjetorin (FOTO & VIDEO)

12/01/2018 - 17:43

   50-vjetori i ndërtimit të shkollës së mesme “Gjergj Kastrioti” në Durrës ka mbledhur së bashku ish-nxënës dhe nxënësit aktualë në një aktivitet të veçantë, të zhvilluar paraditen e së premtes.

Takimi i brezave, të cilët kanë përfunduar këtu shkollën e mesme në 5 dekadat e fundit, ishte mjaft mbresëlënës. Aktiviteti i brezave ka nisur me një minikoncert të nxënësve të këtij gjimnazi, të cilët mikprisnin në këtë mënyrë ish-nxënësit që hodhën themelet e dijes së shkollës.   

Ish-nxënësit e parë tani duhet të jenë në prag pensioni, ndërsa brezat e mëvonshëm më të rinj. Shikon qartë në këtë kalim brezash përmallim e përqafime të ngrohta, nostalgji për adoleshencën dhe vitet e kaluar në bankat e kësaj shkolle, ndërsa në ballë janë shenjuar rrudhat e jetës e në kokë kanë thinjat e fisnikërisë.    

Veprimtaria e organizuar me këtë rast ishte e shumanëshme. Në fjalën e saj, Enkelejda Alizoti, drejtoresha e shkollës e vuri theksin tek kontributi i madh i mësuesve dhe nxënësve të shkollës ndër vite dhe tek hapat e para të këtij institucioni arsimor që nisi veprimtarinë e tij me nxënës që vinin nga shkolla “Mujo Ulqinaku”, dhe ishin të organizuar në 12 klasa, me 407 nxënës gjithsej.  

Në takim kanë përshëndetur edhe kryetari i bashkisë, Vangjush Dako, Prefekti i Qarkut, Roland Nasto, si dhe Drejtoresha e Arsimit Rajonal Lindita Muka.

Ish-nxënës të kësaj shkolle kanë përshëndetur duke përcjellë për të pranishmit emocionet nëpërmjet videoprojektorit.

Historiku i shkollës

Shkolla e mesme “Gjergj Kastrioti” u hap më 1 shtator 1967. Inagurimi i shkollës u bë në janar 1968 me rastin e 500-vjetorit të vdekjes së Skënderbeut, fakt që ndikoi në emërtimin e kësaj shkolle.

Nxënësit e kësaj shkolle vinin nga shkolla “Mujo Ulqinaku” dhe ishin të organizuar në 12 klasa, 407 nxënës.

Godina e kësaj shkolle është ndër më të bukurat në qytetin e Durrësit, me klasa të bollshme, me anekset plot dritë që shohin nga deti, palester cilësore e dhoma pune funksionale, me sallone të gjera që krijojnë mundësi për ngritjen e këndeve të bukur e të kulturuar që kjo shkollë në të shumtën e rasteve i ka realizuar.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Ministrja e Drejtësisë, Etilda Gjonaj, në një deklaratë për shtyp njoftoi shkarkimin e 9 zyrtarëve dhe depozitimin e kallëzimit penal për

Dy kroçerat e fundit të programuara gjatë këtij sezoni turistik pritet të mbërrijnë në portin e Durrësit në 10-ditorin e fundit të muajit

Përgjimi ambjental mes të rinjve Rexhep Rraja dhe Xhisiela Maloku është kryer në Prokurorinë e Krujës, në datën 29 shtator, ndërsa dy të

Fotografi italian Luca Turi është vlerësuar me titullin “Qytetar Nderi” i Durresit për kontributin e dhënë në dokumentimin e ngjarjeve të

Një anije peshkimi 20 metra e gjatë, me tonazh 60 ton, është mbytur në portin e Durrësit.

Policia Bashkiake vazhdon me punën e saj të pandërprerë, për t’i dhënë Durrësit dhe qytetarëve të tij, hapësirat e dedikuara për ta, por

Rritja e sensibilitetit të publikut ndaj procesit të Vetting-ut është shoqëruar me shtimin e vazhdueshëm të denoncimeve të qytetarëve për

Sot është publikuar një tjetër foto e kreut të grupit parlamentar të PS-së, Taulant Balla, me persona të akuzuar për vepra të ndryshme pe

Dalin për herë të parë fotot e Xhisiela Malokut dhe të dashurit të saj, Rexhep Rraja, jashtë hotelit ku 25-vjeçarja pretendon se është dh

Ish-kreu i Policisë Bashkiake të Tiranës, Florenc Hoxha është marrë sot në pyetje nga Prokuroria e Krimeve të Rënda lidhur me çështjen “B