Durrës, karantina nuk po i ndal hajdutët, vjedhje dhe tentativa vjedhjesh në seri në mes të qytetit

08/04/2020 - 10:28

Gjatë orëve të vona të natës, kur të gjithë qytetarët janë të ngujuar në shtëpitë e tyre nga izolimi për shkak të koronavirusit, ndërsa efektivët e rendit monitorojnë rrugët për të ndëshkuar kalimtarët apo drejtuesit e mjeteve që thyejnë karantinën, bandat e hajdutëve kanë nisur të bëjnë namin.

Çdo ditë, ndërsa dalin në mëngjes për të bërë blerjet e ditës apo për të shkuar në punë, qytetarët dëgjojnë ankesat e bizneseve që lejohen të qëndrojnë hapur. Në shumë prej tyre, në lagjet nr.1,2 dhe 3 të qytetit kanë “trokitur” hajdutët. Në disa raste, vjedhja ka mbetur në tentativë, në disa të tjera grupi i hajdutëve është larguar me mallin e dëshiruar.

Ngjarja më e fundit është natën e mbrëmshme në lagjen nr.3, kur një market u tentua të vidhej, por hajdutët nuk e arritën objektivin e tyre. Vetë pronarët e këtyre bizneseve deklarojnë se gjatë ditëve të fundit kanë dëgjuar për tentativa apo vjedhje në rreth 20 njësi shërbimi në lagjet e sipërpërmendura, të cilat ndodhen në zemër të qytetit.

Pronarët e bizneseve dyshojnë se bëhet fjalë për të njëjtin grup, që “godet” gjatë natës njësi të ndryshme tregtare. Rreth një javë më parë, DurrësLajm njoftoi vjedhjen e 3 kioskave gjatë natës, pronarët e të cilave deklaronin dëme të konsiderueshme financiare.

Në datë 2 prill, policia e Durrësit njoftoi goditjen e një grupi hajdutësh adoleshentë, të cilët akuzoheshin për të paktën 4 vjedhje të ndodhura në muajin mars në qytet.

Goditja e këtij grupi nuk frenoi vjedhjet në qytetin bregdetar, ç’ka lë të kuptosh se, duke përfituar nga izolimi i qytetarëve, grupe të ndryshme hajdutësh janë duke realizuar një sërë “aksionesh” nëpër bizneset e Durrësit. Në shumë raste, hajdutët janë kapur nga kamerat e sigurisë së bizneseve, gjë që mund të lehtësojë punën e grupit hetimor për të zbuluar personat që fshihen pas këtyre vjedhjeve dhe tentativa vjedhjesh në seri.

Mbetet detyrë primare e forcave të rendit, që krahas monitorimit sesi i respektojnë qytetarët masat shtrënguese të marra për shkak të pandemisë Covid-19, të intensifikojmë punën hetimore për identifikimin dhe kapjen e këtyre elementëve keqbërës.

Të shqetësuar për rënien apo zerimin e xhiros prej koronavirusit, vjedhjet e pandalshme të hajdutëve janë një shqetësim i shtuar për bizneset e vogla në qytetin bregdetar.  

M.B.

/portali DurresLajm/

Na bëni like në facebook!: 

Lajme nga e njëjta kategori

Banorët e lagjes nr.11  në Durrës kanë kundërshtuar mundësinë e shpërthimit me tritol të pallatit 6-katësh në bulevardin "Dyrrah".

Inspektorati Kombëtar i Mbrojtjes së Territorit ka nisur një operacion në shkallë të gjerë në kontrollin e lumenjve, burim, shtrat dhe gr

Sekretari i Partisë Socialiste Italiane, Vincenzo Maraio, ka shprehur hapur mendimin e tij kundra shembjes së Teatrit Kombëtar.

Ministria e Shëndetësisë ka bërë me dije se gjatë 24 orëve të fundit në vendin tonë janë infektuar 21 persona me koronavirus, të gjithë n

Vitet e fundit ne kemi parë shumë kronika lajmesh, por edhe kemi dëshmuar me sytë tanë se si grupe emigrantësh sirianë futen në Shqipëri

Ministria për Evropën dhe Punët e Jashtme përmes një njoftimi i ka vënë në dijeni qytetarët shqiptarë se, Mali i Zi që prej datës 1 qersh

Institucioni i Avokatit të Popullit ka nisur shqyrtimin e rastit të dhunimit të të riut rom nga policia bashkiake.

Në vendin tonë moti sot do të jetë i alternuar me kthjellime dhe vranësira duke sjellë mot kryesisht të kthjellët që herë pas here do të

Perspektiva për të rritur produktivitetin në trojet shqiptare është e pashpresë për arsye se Kosova dhe Shqipëria kanë numrin më të lartë

Zbulohen të tjera detaje nga vendimi i paligjshëm për shembjen e godinës së Teatrit Kombëtar.