Policia e Durrësit jep detaje zyrtare rreth aksidentit që ka ndodhur pas mesnate, kur një makinë u aksidentua dhe më pas mori flakë.
Në makinë ka qenë shoferi, shtetasi B.K.,53 vjeç, banues në Tiranë së bashku me dy fëmijët e tij 10 e 16 vjeç.
Duke drejtuar automjetin e tij, ai ka humbur kontrollin dhe është përplasur me bordurën. Për pasojë mjeti ka marrë flakë dhe janë dëmtuar lehtë drejtuesi i mjetit, si dhe dy fëmijët e tij, 10 e 16 vjeç, të cilët ishin pasagjerë në mjet.
Aksidenti u regjistrua rreth orës 00:35, në aksin rrugor Maminas-Gjiri i Lalëzit.
Grupi hetimor ndodhet në vendngjarje dhe po punon për zbardhjen e plotë të ngjarjes.
