Durrës, niset kontigjenti i XIV në detin Egje, Koçi: Kontribut për sigurinë e Europës (VIDEO)

11/10/2019 - 15:59

Kontributi i Forcave të Armatosura shqiptare në misionin e NATO-s “Sea Guardian” do të vijojë me kontingjentin e XIV, i cili u nis ditën e sotme nga Porti i Durrësit për në detin Egje.

Në përcjelljen e detarëve shqiptarë ishte i pranishëm zëvendësministri i Mbrojtjes Petro Koçi, zëvendëskomandanti i Forcës Detare, kapiteni i Rangut të Parë Artur Meçollari, prefekti i Durrësit Roland Nasto, efektivë të flotës si dhe familjarë të ushtarakëve që janë pjesë e kontingjentit.

Zëvendësministri Koçi e vlerësoi angazhimin e detarëve tanë në detin Egje si një kontribut për sigurinë e gjithë Evropës dhe u uroi erëra të mbara kontingjentit të radhës.

"Migracioni i paligjshëm nuk sjell vetëm destabilitet shoqëror por sjell edhe rreziqe të terrorizmit sepse mbart shpesh me vete elementë të ekstremizmit të dhunshëm. Ky është një kontribut ushtarak i Republikës së Shqipërisë që pikërisht Evropa të mos ketë më pasoja të tilla. Prandaj në këto ditë ku diskutohet hapja e mundshme e negociatave të BE-së me Shqipërinë për anëtarësim, ky është një kontribut që na e ngre kokën lart sepse është një shërbim që ne i bëjmë Evropës së bashkuar. Dhe kjo falë vendimeve të qeverisë së Republikës së Shqipërisë, por natyrisht edhe kontributit konkret të Forcave tona të Armatosura dhe në mënyrë të veçantë të Forcës sonë Detare. Me kontingjentin e sotëm, numri i efektivëve të angazhuar deri tani në këtë mision shkon rreth 300, që është me të vërtetë një shifër e konsiderueshme për një vend të vogël si Shqipëria."

Zëvendëskomandanti i Forcës Detare, kapiteni i Rangut të Parë Artur Meçollari përmendi vlerësimet nga aleatët që kontingjentet shqiptare kanë marrë për kontributin në detin Egje dhe falënderoi në mënyrë të veçantë për mbështetjen dhe sakrificat, familjarët e ushtarakëve që kanë shërbyer në mision.

Kontingjenti i XIV do të patrullojë në zonën e operacionit me anijen Oriku dhe komandohet nga kapiteni i Rangut të Tretë Albion Bitraj. Kontingjenti përbëhet nga 21 ushtarakë, mes të cilëve edhe 2 vajza.

Shqipëria kontribuon prej 3 vitesh në operacionin e NATO-s në detin Egje, ku kanë shërbyer rreth 300 efektivë dhe 3 anije, të cilët kanë realizuar mijëra orë patrullime, duke shpëtuar dhe parandaluar qindra emigrantë të paligjshëm.

/portali DurresLajm/

Video: 
Na bëni like në facebook!: 

Lajme nga e njëjta kategori

Njësia Vendore e Kujdesit Shëndetësor në Durrës ka reaguar në lidhje me pretendimet që u ngritën sot për mungesën e tamponëve.

Kryetari i Sindikatës së Shëndetësisë në Durrës, Zija Alhysa, ka dalë sërish përpara kamerave, për të denoncuar mungesën e tamponëve.

Forcat e policisë së Durrësit kanë mbërritur para Prefekturës, ku ndodhet një numër i madh banorësh që po aplikojnë për grantin e rindërt

Me dhjetëra qytetarë nga Durrësi janë mbledhur në dyert e Prefekturës për të aplikuar për përfitimin e grantit të rindërtimit për banesat

Ministria e Shëndetësisë raporton se situata në Spitalin Infektiv vazhdon të jetë shumë serioze, ku gjatë 24 orëve të fundit kanë humbur

Tashmë të gjobiturit për shkelje nga policia rrugore mund t'i paraqesin pretendimet e tyre ose ndryshe ankimimet online, pa qenë nevoja p

Pas një hetimi disamujor, finalizohet operacioni policor i koduar "Danubi", për goditjen e veprimtarisë kriminale në fushën e dhënies ndi

Këshilli Bashkiak i Durrësit do të mbajë një mbledhje emergjente mesditën e kësaj të marte.

Në vendin tonë moti sot do të jetë i alternuar nga kthjellime dhe vranësira, të cilat do sjellin mot të kthjellët por që në zona malore d

Më 27 prill 2020, te rruga e tregut të makinave në Durrës, mbetën të vrarë në një atentat dy vëllezërit Besmir dhe Viktor Haxhia.