Durrës, rihapet aplikimi për qytetarët që kanë dëmtime DS1, DS2 dhe DS3 në banesat e tyre. Mungon njoftimi zyrtar!!!

11/07/2020 - 14:52

Është rihapur procesi i aplikimit për qytetarët e Durrësit, banesat e të cilëve janë të dëmtuar nga tërmeti, por që në muajin shkurt e patën të pamundur të aplikonin.

Pa shumë zhurmë, madje dhe pa asnjë njoftim zyrtar nga bashkia, tek ish-zyrat e ALUIZNI-t, qytetarë të shumtë janë paraqitur ditën e sotme me dokumentet e kërkuara për të kryer aplikimin, për të përfituar nga granti i rindërtimit.

Për shkak të arsyeve të ndryshme, shumë qytetarë durrsakë u privuan nga mundësia për të aplikuar tek “Shtëpia ime” në muajin shkurt të këtij viti. Megjithëse gjatë muajve të fundit kanë qenë të shumtë qytetarët që pyesnin nëse do të rihapej sërish aplikimi, bashkia justifikohej me faktin se procesi mund të rihapej vetëm me urdhër nga lart.

Nuk dihet nëse rihapja e aplikimeve u bë pikërisht ditën e sotme, meqe kryeministri Rama ishte në Durrës për t’u informuar nga afër lidhur me procesin e rindërtimit, në qytetin më të dëmtuar nga tërmeti i 26 nëntorit.

Njëkohësisht e habitshme ishte edhe deklarata e kryebashkiakes Emiriana Sako dhe ministrit të Rindërtimit Arben Ahmetaj, të cilët deklaruan sot para kryeministrit se qytetarët e Durrësit do të përfitonin 2.5 miliardë lekë nga 2.1 miliardë lekë që u miratua ditën e mërkurë me vendim qeverie. Pra rreth 4 milionë dollarë më shumë sesa ç’vendosi qeveria vetëm pak ditë më parë. Duket se ky fond që pritet të shtohet do të shkojë pikërisht për këta qytetarë që po aplikojnë këto ditë.

E çuditshme është edhe koha e përzgjedhur për të rinisur aplikimet, pikërisht ditën e shtunë, që për administratën është ditë pushimi.

DurrësLajm komunikoi me disa nga qytetarët që po mbanin radhën dhe disa prej tyre u shprehën se u ishte thënë nga burime të ndryshme se aplikimi mund të rihapej këto ditë dhe ata duhet të vinin të interesoheshin vetë pranë zyrave.

Nga listat e miratuara deri tani nga Këshilli Bashkiak Durrës janë miratuar gjithsej 7449 qytetarë që do të përfitojnë grantin e dëmshpërblimit për dëmtimet në shkallën DS1, DS2 dhe DS3 që kanë pësuar banesat e tyre.

M.B.

/portali DurresLajm/

Na bëni like në facebook!: 

Lajme nga e njëjta kategori

Ministrja e Arsimit Besa Shahini, me anë të një statusi në “Facebook” shkruan për ndarjen nga jeta për shkak të koronavirusit të një mësu

Ministrja e Mbrojtjes, Olta Xhaçka, me anë të një statusi në “Facebook” ka kujtuar Neshet Shenën, kolonelin që u nda nga jeta sot pas një

Me dhjetëra e qindra janë mesazhet prekëse në rrjete sociale për ndarjen e parakohshme nga jeta të të riut durrsak Xhino Koça.

Ministria e Shëndetësisë ka përditësuar të dhënat lidhur me situatën e Covid-19 në vendin tonë.

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Shkrimtarja Flutura Açka përmes një postimi në Facebook rendit disa fakte me të cilat përballet në përditshmëri çdo shqiptar.

Kjo është fabrika e përpunimit të drurit dhe të prodhimit të paletave që është përfshirë nga flakët në orët e para të mëngjesit të sotëm.

Ekipi i mjekëve italianë të cilët trajnuan mjekët shqiptarë për dy javë në luftën ndaj Covid-19, janë kthyer në vendin e tyre.

Pasi u shërua nga COVID-i, kryebashkiaku i Tiranës, Erion Veliaj ka rrëfyer për Report Tv betejën e tij 14 ditore me këtë virus. 

Pavarësisht pandemisë së koronavirusit, turistët e huaj vijojnë të zgjedhin qytetin bregdetar të Durrësit për të kaluar pushimet.