Durrës, të dielën do t'i shemben muret e brendshme, por çfarë do të ndodhë nesër te pallati i Kastratit

17/09/2020 - 20:42

Më herët, gjatë ditës, bashkia e Durrësit njoftoi se ditën e diel, më 20 shtator do të realizohet një shpërthim i kontrolluar tek një pallat shumëkatësh në lagjen nr.17, rruga “Dalip Peza”.

Por ndryshe nga pallatet e tjera të dëmtuara nga tërmeti për të cilat Instituti i Ndërtimit ka vendosur për demolimin dhe shembja është kryer me mjete të rënda apo eksploziv, të dielën, tek pallati i Kastratit (siç njihet nga të gjithë) do të prishen vetëm muret e brendshme.

Duket se kjo mënyrë shembjeje ka shkaktuar mjaft paqartësi, jo vetëm tek banorët e pallatit, por edhe tek opinioni publik në Durrës. Për këtë arsye, bashkia e qytetit bregdetar njofton se “ditën e nesërme (18 shtator) në orën 11.00, tek pallati në fjalë drejtori i Drejtorisë së zbatimit të vendimeve në IKMT Fatmir Meta dhe drejtori i IMT Durrës, Ardian Halili do të japin konferencë për shtyp duke treguar për mënyrën e shpërthimit të mureve të brendshme të këtij pallati, me qëllim sqarimin e opinionit publik për shpërthimin e kontrolluar që do të kryhet të dielën”.

Në njoftimin e paradites, bashkia tha se “për arsye sigurie njoftojmë të gjithë banorët e banesave dhe subjekteve që ndodhen pranë këtij pallati (në një rreze 200 m nga vendi i shpërthimit) që ditën e dielë, datë 20 shtator 2020, nga ora 11.00 deri në orën 17.00 të lënë hapur dritaret dhe dyert e banesave dhe subjekteve të tyre për të shmangur valën goditëse, të ulin në dysheme televizorë e kompjuter dhe të largohen nga banesat dhe subjektet e tyre”.

Pallati i Kastratit është godina e parë shumëkatëshe në Durrës që do të shembet. Në muajt dhe javët e mëparshme janë shembur godina 5-6 katëshe, të cilat janë demoluar me ekskavator apo eksploziv.

Nisur nga lartësia e pallatit dhe afërsia e madhe e tij me godina të tjera, IKMT ka vendosur për një mënyrë tjetër shembje, që është hera e parë që aplikohet në Durrës.

Madje po tek ky pallat. më datë 5 shtator, Inspektorati Kombëtar i Mbrojtjes së Territorit kreu një eksperiment me detonator dhe kapsolla elektrike, qe do te shkaktonte vetem zhurme.

Synimi i këtij eksperimenti ishte testimi i fortësisë së mureve të brendshme betonarme të këtij objekti. 

/portali DurresLajm/

Na bëni like në facebook!: 

Lajme nga e njëjta kategori

Territori shqiptar këtë të shtunë mbetet në prezencë të kthjellimeve dhe vranësirave kalimtare në Ultësirën Perëndimore.

Një tjetër ligjvënës është infektuar me Covid-19.

Ditën e sotme, 30 tetor 2020 ka mbyllur sytë ish-drejtoresha e NISh-Cigares Durrës "Telat Noga", inxhinierja kimiste Ylfete Laçi, 76 vjeç

Zija Alhysa, kryetar i Konfederatës së Sindikatave në Durrës në një lidhje online në ABC News, denoncoi përsëri mungesën e tamponëve, në

Edi Rama ka autorizuar Klodian Zoton për trajtimin e inerteve të objekteve të shembura nga tërmeti në Durrës.

Ditën e sotme është ndarë nga jeta ish-elektriçisti i spitalit të Durrësit Bilal Luku.

Ministria e Shëndetësisë nuk ka pranuar kërkesën e Ministrisë së Arsimit, Rinisë dhe Sporteve, për të lejuar që javën e parë të nisjes së

Ministria e Shëndetësisë ka informuar për situatën në 24 orët e fundit të përhapjes së virusit Sars Cov2, rastet e reja dhe situatën në s

Ambasada shqiptare në Turqi ka reaguar pas tërmetit shkatërrimtar me magnitudë 6.9 ballë, që preku një sërë qytetesh turke.

Këshilli Bashkiak Durrës ka kaluar me shumicë votash pikën nr.5 të rendit të ditës që kishte të bënte me rritjen e çmimit të abonesë mujo