Durrës, të tjera hapësira publike do t'u kthehen qytetarëve. Ja ku do të përqendrohet nesër aksioni i Policisë Bashkiake

14/03/2018 - 19:41

   Hapësira të tjera publike do t’u kthehen qytetarëve durrsakë që nga dita e nesërme. Aksioni i nisur javë më parë nga Policia Bashkiake e Durrësit nesër do të spostohet në një nga akset më të rëndësishme të qytetit bregdetar, atë që nis nga Mauzoleumi i Dëshmorëve dhe përfundon tek rrethrrotullimi tek stacioni i trenit.

Aksioni do të vazhdojë pa ndërprerje dhe të premten do të operohet në një tjetër aks me një përqendrim të madh biznesesh, në rrugën “Egnatia”, nga stacioni i trenit deri tek kisha ortodokse e Shën Astit dhe Shën Pavlit.

“Jemi të vendosur që do ta pastrojmë dhe normalizojmë gjithë qytetin. E kemi ndërprerë disa ditë aksionin për arsye të motit të paqëndrueshëm dhe me shi”,- thotë drejtori i Policisë Bashkiake, Vasip Çopa për DurrësLajm.

Aksioni do të zhvillohet si gjithnjë në bashkëpunim me zyrën e taksave vendore, ndërmarrjen e pastrim gjelbërimit, INUV dhe me mbështetjen e policisë së shtetit.

“Me këtë rast Policia Bashkiake iu bën thirrje të gjithë subjekteve dhe bizneseve që ushtrojnë aktivitetin e tyre në qytetin e Durrësit, në Shëtitoren “Taulantia” dhe në zonën e plazhit që të mos bëjnë investime në mënyrë të paligjshme dhe pa leje duke zënë hapësira publike me metoda primitive dhe inisiativa individuale që bien ndesh me ligjin dhe rregulloren për zënien e hapësirave publike nga vazo betoni, kangjella hekuri apo pengesa të tjera”,- është apeli që Çopa u drejton bizneseve që operojnë në Durrës.

Zënia e hapësirave publike nga tavolinat, karriket, reklamat, mallrat e produktet e bizneseve të ndryshme apo shitësve ambulantë ishin kthyer prej vitesh në problem shqetësues për qytetarët.

Aksioni i ndërmarrë nga Policia Bashkiake është mirëpritur nga durrsakët, pasi ndryshe nga aksionet e mëparshme sporadike kur hapësirat liroheshin për t’u zënë sërish ditën tjetër, tashmë trotuaret dhe hapësirat e tjera publike kanë nisur të kthehen në destinacionin e tyre primar, në shërbim të qytetarëve.

/portali DurresLajm/

Na bëni like në facebook!: 

Lajme nga e njëjta kategori

Këshilli i Lartë i Prokurorisë vendosi me 6 vota pro dhe 5 kundër, kthimin në detyrë te Prokuroria e Krimeve të Rënda, për prokurorët Ols

Zëvendësministri i Brendshëm Besfort Lamallari, gjatë një takimi paraditen e sotme me drejtuesit qendrorë të Shërbimit për Çështjet e Bre

Teksa kryeministri Edi Rama bashkë me familjarë të viktimave të 21 janari 2011, deputetë e përfaqësues të Partisë Socialiste po kryenin h

Sot mbushen tetë vite nga 21 janari i vitit 2011, kur Garda e Republikës hapi zjarr ndaj protestuesve të thirrur nga Partia Socialiste pa

Këtë të hënë, disa pedagogë të Fakultetit Histori Filologji të Universitetit të Tiranës kanë nisur sot grevën si mbështetje ndaj protestë

Këshilli i Lartë i Prokurorisë po zhvillon mbledhjen e tretë të radhës që prej konstituimit. Në rend dite të kësaj mbledhjeje, janë disa

Orët e para të ditës dominohen nga kthjellime dhe vranësira në të gjithë territorin, më të dukshme në zonat Jugore-Juglindore, ku do të k

Drejtoria e Përgjithshme e Shërbimeve të Transportit Rrugor bën me dije se ka marrë dy vendime të rëndësishme për targat e makinave që iu

Presidenti Ilir Meta nis nesër një vizitë shtetërore dy ditore në Mal të Zi, me ftesë të homologut të tij malazez, Milo Gjukanoviç.