Durrës, workshop për kuadrin ligjor dhe kapacitetet e reagimit ndaj ndotjeve detare (FOTO)

21/11/2018 - 20:39

Më datën 21 nëntor 2018, në ambientet e Royal G Hotel Durrës, u zhvillua një workshop për kuadrin ligjor dhe kapacitetet e reagimit ndaj ndotjeve vajore në det, në kuadrin e projektit të përbashkët të UNDP, Qeverisë kroate dhe shqiptare për menaxhimin e ndotjeve detare dhe rritjen e sigurisë në det.

Workshopi u organizua nga UNDP në vendin tonë, në bashkëpunim me Ministrinë e Energjisë dhe Infrastrukturës dhe Ministrinë e Mjedisit e Turizmit.

Në të morën pjesë Drejtues dhe përfaqësues të Instutucioneve detare e subjekteve private me interesa në det, konkretisht, nga Ministria e Infrastrukturës dhe Energjisë, Administratës Detare, Kapitanerisë së Porteve, Autoritetit Portual Durrës, Vlorë e Shëngjin, Ministrisë së Mjedisit, Ministrisë së Financës, Ministrisë së Migracionit dhe Kufirit, QNOD, Komandës së Forcës Detare, kompani hidrokarburesh e pastrimi detar, etj.

Zonja Violeta Zuna, Projekt menaxhere, përfaqësuese e UNDP, prezantoi kuadrin e projektit dhe hapat e ndërmarë deri tani për zbatimin e tij në vendin tonë.

Në vijim të workshop-it, zonja Raimonda Gjata dhe zoti Shkëlqim Xhaxhiu, përfaqësues nga Ministria e Energjisë dhe Infrastrukturës, konsulentë të projektit, shpjeguan pjesë të kuadrit ligjor për përgatitjen dhe reagimin ndaj ndotjeve detare, plani kombëtar i kontigjencës, situata aktuale, rekomandimet për të ardhmen dhe përditësimet e nevojëshme.

Ndërsa zoti Osman Metalla, Dekan në UAMD, konsulet i projektit, foli për kapacitetet kombëtare të reagimit ndaj aksidenteve dhe emergjencave detare.

Mbas këtyre prezantimeve sa konkrete aq shkencore për rëndësinë e projektit, pjesëmarrësit diskutuan rreth përvojës së deritanishme në përballimin e rasteve të këtij lloji, cilat janë kapacitetet operacionale dhe nevojat e institucionit që përfaqson për të vepruar kundër ndotjeve detare, ku do synojë përmirësimi i legjislacionit, cilat janë kompetencat e institucioneve për këtë fushë, në c’nivel është bashkëpunimi ndërinstitucional, cilat struktura kanë përgjegjsinë konkrete, ku duhet investuar dhe sektorët parësorë që duhen ndihmuar, eksperienca e vendeve fqinje, pritshmëritë e projektit, detyrat e rekomandimet për të ardhmen, etj.

Workshopi i sotëm ishte një ndër masat e planëzuara që po realizojnë specialistët e projektit për menaxhimin e ndotjes detare në përputhje me ligjet dhe politikën detare të BE.

/portali DurresLajm/

Na bëni like në facebook!: 

Lajme nga e njëjta kategori

Këtë të premte, vendi do të karakterizohet nga kthjellime dhe vranësira të herë pas hershme, sidomos në zonat veriore.

Liderët e vendeve anëtare të BE janë mbledhur në Bruksel në samitin që pritet të marrë edhe vendimin final sa i përket çeljes së negociat

Presidentja e Komisionit Evropian, Ursula von der Leyen ka folur në lidhje me negociatat me Tiranën e Shkupin, duke u shprehur se sinjale

Në zbatim të Strategjisë Kombëtare të Luftës Kundër Trafikimit të Personave, sot u organizua një takim me Tryezën Teknike nën drejtimin e

Goditet një tjetër grup që ushtronte veprimtari kriminale në fushën e vjedhjes së pronës në Durrës.

Aplei i Krimeve të Rënda ka hedhur poshtë kërkesën e Klement Balilit për të fituar pafajësinë, duke lënë në fuqi vendimin e Gjykatës së S

Ministrja e Drejtësisë, Etilda Gjonaj ka ndryshuar thuajse të gjithë drejtorët e burgjeve në mbarë vendin.

Ka pasur informacione se Marsida Qatja do të udhëtonte jashtë vendit, e për këtë arsye, Prokuroria e cila e ka marrë në hetim, i ka hequr

Kuvendi i Shqipërisë po miraton një projektligj, i cili rrit kontrollin mbi prodhimin dhe tregtimin e kripës së jodizuar.

Ministria e Drejtësisë ka kthyer përgjigje në lidhje me kërkesën për informacion për Albert Veliun dhe ekstradimin e tij nga Belgjika.