Durrës, zjarri tek apartamenti i të moshuarës, revoltohen banorët: Po na sjell gjithnjë probleme (VIDEO)

11/02/2019 - 11:40

Banorët që jetojnë në të njëjtin pallat të vjetër ku ra zjarri sot në lagjen nr.1 në Durrës, kanë reaguar menjëherë pas ngjarjes me nota revoltimi e irritimi.

Për kamerën e “DurrësLajm”, ata thonë se shkak i zjarrit edhe i disa problemeve të mëparshme është bërë pikërisht gruaja e moshuar që jeton vetëm në apartamentin që u përfshi nga flakët..

Për shkak të moshës së thyer edhe të mosprezencës së familjarëve, pakujdesia e 80-vjeçares F.C., ka shkaktuar disa herë probleme me ujin që rrjedh të fqinjët.

Sot pas rënies së zjarrit, fqinji i saj një kat më poshtë, thotë se zgjidhja e duhur do të ishte që ta dërgonin të moshuarën në azil pleqsh, pasi kështu po u shkakton probleme madhore atyre.

“Jemi ankuar 100 herë. I jam drejtuar edhe Bashkisë, edhe policisë. Ka 3 muaj që e lë çezmen hapur dhe më pikon tavani. Po për shtëpinë time kush përgjigjet? Ku të shkojmë? Edhe ne pensionistë jemi si plaka, nga 80 vjeç. Ta marrin ta çojnë në azil pleqsh”, shprehet ai.

Zjarri ra sot reth orës 08:45 në banesën e shtetases F.C., 80 vjeçe, e cila sipas policisë ka pësuar dëmtime të lehta dhe ndodhet në Spital nën kujdesin e mjekëve.

/portali DurresLajm/

Video: 
Na bëni like në facebook!: 

Lajme nga e njëjta kategori

Këtë të shtunë, Shqipëria do të vijojë me kthjellime dhe vranësira të herë pas hershme në zonat bregdetare dhe në zonat e ulëta, por vran

Gjykata e shpalli ish-ministrin e Brendshëm Saimir Tahiri të pafajshëm për trafik droge dhe fajtor për shpërdorim detyre.

Në kuadër të “Javes Europiane të Lëvizjes”, Bashkia Shijak në bashkëpunim me kopshtet dhe shkollat zhvilluan aktivitete të ndryshme sensi

Bllokohet një anije ruse e ngarkuar me grurë në portin e Durrësit.

Fundjava me diell do t`i lërë vendin ditëve me reshje dhe temperatura të ulta.

Ditën e fundit të shtatorit, në teatrin “Aleksandër Moisiu” të Durrësit, të gjithë të interesuarit do të mund të ndjekin një spektakël nd

Specialistët e krimit ekonomik kanë shoqëruar në polici për t’i marrë në pyetje 9 punonjës të Kadastrës së Durrësit.

Drejtori i Përgjithshëm Ekzekutiv i Autoritetit Portual Durrës, Agron Tare, ka pritur në takim një delegacion të Ambasadës së Shteteve të

Zëvëndësministri i Drejtësisë Toni Gogu është liruar nga detyra.