Durrësi i Ri apo një vend i shkretë e i humbur?! (FOTO+VIDEO)

16/11/2018 - 16:59

Një pjesë e rrugëve të ish-Kënetës apo "Durrësit të Ri" siç e quajti kohë më parë kreu i qeverisë, vijojnë të jenë të parregulluara e të pa ndriçuara. Kjo zonë ndodhet vetëm pak kilometra larg nga qendra e Durrësit, por infrastruktura e munguar të çon tutje qytetit bregdetar.

Pamjet e paraqitura nga "DurrësLajm", vijnë nga rruga "Danubi" në lagjen 14, ku vende-vende i vetmi ndriçim është ai që vjen nga banesat. E siç mund ta shikoni në videon e mëposhtme, banorët gjejnë ngushëllim nga drita e telefonit për të ecur në terr të plotë.

Ashtu si shumë investime të tjera në vend, edhe një pjesë e rrugëve të asfaltuara e të pajisura me shtylla ndriçimi të Ish-Kënetës u inauguruan në prag zgjedhjesh për të mos u kujtuar më për pjesën që mbeti, gjatë mandatit të siguruar.

Errësira mbretëron kudo, çka rrit rrezikshmërinë e vjedhjeve të cilat nuk janë të pakta në këtë zonë apo edhe të ngjarjeve më kriminale.

Por edhe nëse lëviz gjatë ditës në këtë rrugë, sërish situata është shqetësuese për banorët pasi mungon infrastruktura. Ndërhyrja e fundit është kryer kohë më parë nga vetë qytetarët me të ardhurat e tyre, ku siç duket në foto ngjason me rrugën e një vendi të shkretë e të humbur.

Problematike situata bëhet sidomos në kohën e reshjeve, ku në shumë raste, përmbytja e rrugëve nga shirat ka penguar edhe nxënësit të ndjekin mësimin në shkollë, pasi bëhen të pakalueshme.

Nga burime zyrtare pranë njësisë administrative nr.6, mësohet se për të disatën herë, kryetarit Vangjush Dako i është dërguar një kërkesë ku kërkohet përfshirja e një fondi në buxhetin e bashkisë, për të rregulluar rrugët e mbetura në gjendje mjerane, por deri më sot, një vendim i tillë ende nuk është shqyrtuar në Këshillin Bashkiak.

Ndaj edhe banorët duhet të presin zgjedhjet e qershorit të 2019-ës, kohë ndoshta kur problemi i tyre mund të marrë zgjidhje!

/portali DurresLajm/

Video: 
Na bëni like në facebook!: 

Lajme nga e njëjta kategori

Në raportin e Entit Rregullator të Ujit për vitin 2018 ky institucion shprehet se ka ende hapësirë për rritje të cmimit të ujit në vend,

Gjykata e Tiranës ka vendosur masën e arrestit me burg për 4 persona që rezultuan deri tani në pjesën e organizatorëve të skemës mashtrue

Drejtoria e Përgjithshme Detare ka njoftuar në një postim në Facebook se bregdeti do të përfshihet nga era të forta gjatë kësaj fundjave.

Pas vendimit të një dite më parë të opozitës për të djegur mandatet, Kuvendi i është drejtuar me një kërkesë Komisionit Qendror të Zgjedh

Qytetarët e Durrësit janë të dyjëzuar, ndërsa nuk mungojnë as personat indiferentë, përsa i përket situatës së nxehtë në të cilën ndodhet

Gjykata Administrative e Apelit vendosi të enjten në dhomën e këshillimi t’i hapë rrugën përfundimit të projektit “Veliera”, duke pushuar

Një grup mbështetësish të PD-së, janë grumbullua për të pritur me protestë kryeministrin Edi Rama në Gjirokastër. 

Disa zona në Tiranë do të jenë pa energji elektrike sot, për shkak të punimeve që po bëhen për instalimin e rrjetit 20 kv në një kabinë q

Këshilli i Lartë i Prokurorisë është mbledhur për të diskutuar edhe kërkesën e grupeve parlamentare të opozitës për shkarkimin e Arta Mar

Ish-zëvendësministri i Arsimit, Taulant Muka, vijon me denoncimet e tij lidhur me plagjiaturat në doktoratura apo artikuj shkencorë.