Durrësi në karantinë prej javësh, në maternitet vijnë në jetë 94 bebe

29/03/2020 - 15:49

Prej datës 10 mars, Durrësi është në karantinë. Qytetarët kanë kufizuar së tepërmi lëvizjet prej masave drastike të qeverisë, por edhe si masë parandalimi për prekjen nga koronavirusi.

Në një kohë kur pjesa më e madhe e institucioneve kanë kufizuar veprimtarinë e tyre vetëm në fashën orare të vendosur nga qeveria, materniteti i Durrësit është një prej atyre që funksionon 24 orë në 24. Në harkun kohor 10-29 mars, në maternitet kanë ardhur në jetë plot 94 bebe plot shëndet. 43 lindje kanë qenë me operacion cezarian, ndërsa 51 lindje spontane.

Shefi i obstetrisë Jak Coku shprehet se bluzat e bardha kanë treguar këto kohë një kujdes të shtuar për të parandaluar prekjen nga Covid-19 të grave shtatzëna apo bebeve të sapoardhura në jetë.

“I gjithë stafi i maternitetit është në punë. Ne kemi vijuar punën normalisht dhe derisa të zgjasë emergjenca Covid-19 kemi pezulluar dhënien e lejeve të zakonshme, pasi jemi në situatë lufte. Personeli shëndetësor ka shtuar masat mbrojtëse. Njëkohësisht jemi maksimalisht të angazhuar për të mbrojtur nënat e reja dhe të porsalindurit. Sapo vijnë në maternitet, ne marrim prej secilës prej tyre një informacion të detajuar për të ditur me saktësi lëvizjet apo personat e kontaktit. Fatmirësisht gjatë gjithë kësaj periudhe gjithçka ka shkuar mirë. Si nënat ashtu dhe bebet gëzojnë shëndet të plotë”, thotë mjeku obstetër Jak Coku për DurrësLajm.

Eksperienca në vendet evropiane dhe Kinë ka treguar se gratë shtatzëna apo të porsalindurit nuk përjashtohen nga prekja nga Covid-19. Madje jo më larg se një ditë më parë, në SHBA humbi jetën nga koronavirusi një fëmijë që ende nuk kishte mbushur një vjeç. Për këtë arsye, drejtuesit e maternitetit kanë ndërmarra masa mbrojtëse shtesë.

“Ndryshe nga më parë, kemi kufizuar në maksimum hyrje daljet e familjarëve gjatë kohës që një grua sjell në jetë fëmijën e saj. Futet vetëm njëri nga familjarët më të afërt. Në të njëjtën kohë, në vizitat  ambulatore që bëhen në katin e parë tek obstetria futet vetëm pacientja, asnjë nga familjarët. Edhe pacientet respektojnë distancat kur qëndrojnë në radhë. Kemi dezinfektuar të gjitha ambientet, ndërkohë që higjiena është maksimale”,- thotë mjeku Coku.

Nga ana tjetër shefi i obstetrisë në maternitetin e Durrësit u rekomandon të gjitha grave shtatzëna që të respektojnë izolimin në shtëpi dhe të lëvizin vetëm në rastet kur e kanë të domosdoshme.

“Të gjithë mjekët qëndrojnë në kontakt të vazhdueshëm telefonik me pacientet e tyre dhe këshilla primare që u japim është të qëndrojnë në shtëpi. Gjatë kësaj kohe kemi marrë shumë telefonata nga njerëz që na kërkojnë këshilla, por ka dhe nga ata që na pyesin nëse jemi në punë në këto kushte të jashtëzakonshme. Tek ne puna nuk është ndalur për asnjë moment, kemi qenë gjithmonë në shërbim të shtatzënave dhe nënave të reja e foshnjave të tyre”, - thotë më tej Coku.

/portali DurresLajm/

Na bëni like në facebook!: 

Lajme nga e njëjta kategori

Në Tiranë, sot, u zhvillua protesta paqësore “Për Fëmijërinë e Vjedhur”, e nxitur nga rasti i fundit i abuzimit të 15-vjeçares në Babrru

Katër ditë pasi doli nga spitali zhduket për herë të dytë gardisti Ervin Dërguti.

Mijëra qytetarë në Tiranë kanë marshuar në bulevardin “Dëshmorët e Kombit” drejt sheshit “Nënë Tereza” pas lajmit që ka tronditur opinion

Dy pronarët e hoteleve në Rrogozhinë që kishin ngritur një rrjet prostitucioni janë lënë në burg. Gjykata e Kavajës ka vendosur

 “Unë zgjedh të jetoj e sigurtë”, “Në vend që t’i mësoni djemtë të mos përdhunojnë, mësojini të respektojnë”, “Nuk luhet përdhunimesh

Shembja e pallatit 6 katësh me tritol la pas dëme të konsiderueshme në bizneset pranë objektit në bulevardin e Durrësit.

Struktura e Posaçme kundër Korrupsionit dhe Krimit të Organizuar, SPAK, ka rrëzuar Policinë e Shtetit për 48 pasuri për të cilat është kë

Ky është momenti i shpërthimit të pallatit të VIP-ave në bulevardin e Durrësit, i cili në një sekondë përfshihet i gjithi në flakë përpar

Shembja e pallatit 6 katësh me tritol la pas dëme te bizneset në bulevardin e Durrësit.