Edicioni i 3-të i "Shtigje rinore", të rinj nga Ballkani perëndimor u mblodhën në Tiranë (FOTO)

24/05/2019 - 17:59

Dyzet të rinj nga i tërë Ballkani Perëndimor u mblodhën, më 23 maj 2019, në Tiranë, për të marrë pjesë në “Shtigje Rinore 2019”.

Edicioni i tretë i “Shtigjeve Rinore”, një nga veprimtaritë kryesore që ka në qendër të rinjtë, organizohet nga Prezenca e OSBE-së në Shqipëri, me mbështetjen e Kryesisë sllovake të OSBE-së, Zyrës Rajonale për Bashkëpunim Rinor (RYCO), Bashkisë së Tiranës dhe qeverisë gjermane. Për pesë ditë, të rinjtë do të njihen me njëri-tjetrin, do të eksplorojnë Tiranën dhe do të debatojnë për të ardhmen e demokracisë, sigurisë, paqes dhe bashkëpunimit në rajon.

Në ceremoninë hapëse të “Shtigjeve Rinore”, Kryetari i Prezencës së OSBE-së, Bernd Borchardt, foli për rëndësinë e rritjes së mbështetjes për bashkëpunimin rajonal, si dhe për rëndësinë e të rinjve si aktorë të ndryshimit në Ballkanit Perëndimor. “Gjatë këtyre tri viteve, 2 000 njerëz kanë treguar interes t’u bashkoheshin ‘Shtigjeve Rinore’ dhe 100 prej tyre morën pjesë. Shpresoj që ky edicion i ‘Shtigjeve Rinore’ t’ju transmetojë atë që tha njëri prej pjesëmarrësve të edicionit të parë: që kishte kuptuar që të rinjtë e rajonit kanë më shumë gjëra që i bashkojnë se sa që i ndajnë”, tha Borchardt.

“Pajtimi, kapërcimi i trashëgimisë së vështirë të së shkuarës në rajonin tonë është i mundur nëse ka kontakte jo vetëm midis qeverive, por edhe midis shoqërive dhe ju po e bëni këtë në mënyrë të shkëlqyer”, tha zëvendësministri për Evropën dhe Punët e Jashtme, Sokol Dedja.

Gjatë ditëve të ardhshme, pjesëmarrësit e “Shtigjeve Rinore” do të përfshihen në një program ndërveprues, që përfshin tema që nga pjesëmarrja në demokraci, barazia gjinore, ndryshimi i klimës dhe antikorrupsioni te trajtimi i të shkuarës, bashkëpunimi rajonal, vlerat e OSBE-së, të mësuarit ndërkulturor dhe promovimi i trashëgimisë kulturore.

/portali DurresLajm/

Na bëni like në facebook!: 

Lajme nga e njëjta kategori

Sipas Meteoalb, Shqipëria do të karakterizohet nga altnernime kthjellimesh dhe vranësirash.

Pas tërmetit që ra mbrëmjen e së dielës në orën 22:08 dhe alarmit të rremë që u përhap për një tërmet të fuqishëm pasardhës, çka bëri që

Një tërmet i rënë rreth orës 22:08 ka rikthyer edhe një herë frikën tek qytetarët.

Ministria e Mbrojtjes u bën apel të gjithë qytetarëve që të mos mashtrohen nga lajmi që po qarkullon në disa portale, të cilat shkruajnë

Pasojat që la tërmeti i një dite më parë në Durrës, janë të shumta në disa banesa e pallate.

Të tjera lëkundje të forta sizmike janë ndier në Durrës.

Lëkundjet janë ndjerë rreth orës 22:08.

Dy çadrat e ngritura gjatë natës pranë stadiumit “Niko Dovana” në Durrës, janë spostuar nga forcat e ushtrisë brenda fushës së futbollit.