Ekipi i Zjarrfikëses në Durrës dhuron gjak për fëmijët talasemikë (FOTO)

11/07/2019 - 11:21

Në kuadër të nismës për dhurimin e gjakut për t’iu ardhur në ndihmë fëmijëve talasemikë, kësaj iniciative vullnetare i është bashkuar këtë të enjte edhe ekipi i stacionit të Zjarrfikëses në Durrës, duke dhuruar gjak në ndihmë të fëmijëve të sëmurë me talasemi dhe njerëzve që kanë nevojë në shenjë solidarizmi qytetar.

Me iniciativë të drejtorit Adriatik Velaj, u ndërmor nisma humane për dhurimin e gjakut, proces i cili po kryhet në ambientet e drejtorisë së PMNZSH-së nga mëngjesi i ditës së sotme.

Koordinatorja e Kryqit të Kuqit për degën Durrës, në një prononcim për “DurrësLajm” nga drejtoria e Zjarrfikëses ku po mbikëqyr procesin, thekson rëndësinë e jashtëzakonshme që ka dhurimi i gjakut nga ofruesit vullnetarë, sidomos në këtë periudhë të vështirë të verës, që është edhe më e domosdoshme.

“Ne ofrojmë për gjatë gjithë vitit dhurues vullnetar për fëmijët talasemikë dhe për të aksidentuarit  rrugorë. Por sot është një fat jashtëzakonisht i mirë, që drejtori i Zjarrfikëses në Durrës, u ofrua pikërisht në këtë periudhë për të dhuruar gjak së bashku me stafin e tij. Është shumë e domosodoshme, në situata emergjente që janë të shumta në muajt korrik dhe gusht, për të plotësuar nevojat e fëmijeve talasemikë dhe për të plagosurit e aksidenteve rrugore”, tha Ermira Guza.

/portali DurresLajm/

Na bëni like në facebook!: 

Lajme nga e njëjta kategori

Një “Benz” i braktisur në autostradën Durrës-Tiranë, i vjedhur më herët gjatë shtatorit, ka marrë flakë dhe është djegur plotësisht.

Specialistët për Hetimin e Krimit Ekonomik e Financiar në Drejtorinë Vendore të Policisë Elbasan kane proceduar në gjendje të lirë ish-dr

Sipas MeteoAlb, alternime kthjellimesh dhe vranësirash do të alternojnë kushtet e motit në vendin tonë paraditen e sotme, ndërsa në pjesë

Marsida Qatja vijon të mbetet ende një çështje në diskutim për mënyrën, sesi ndodhi ngjarja në shtëpinë e saj.

Emisioni investigativ “Fiks Fare”, ka kryer një investigim tre mujor, ku është zbuluar se si zv/ministri i Shëndetësisë në Maqedoninë e V

Kryeministri Edi Rama duhej të merrte pjesë në ceremoninë e 10-vjetorit të Fondit Shqiptaro-Amerikan të Zhvillimit që u zhvillua mbrëmjen

Ministrat e Jashtëm të katër vendeve anëtare të BE-së, kanë bërë thirrje për hapjen e bisedimeve për anëtarësim me Maqedoninë e Veriut dh