Sot është zhvilluar sot në gjykatën e Apelit seanca gjyqësore për shqyrtimin e masës së sigurisë në ngarkim të të pandehurve të ndaluar në kuadër të operacionit policer “Abuzuesit”, ku në pranga përfunduan punonjës policie dhe ndërtues të akuzuar për veprat penale “Shpërdorimit të detyrës” dhe “Ndërtim të paligjshëm, në bashkëpunim”.
Sot, gjykata e Apelit vendosi të linte në burg vetëm 4 nga të pandehurit:
Masat e sigurisë të dhëna nga Gjykata e Apelit:
Besnik Domi, i lirë
Sami Xhafa, i lirë
Ermal Petova, burg
Nikollë Marku, i lirë
Agim Osmani, burg
Gani Dama, mbetet në kërkim
Haxhi Sherra, burg
Petrit Neziri, i lirë
Ndriçim Shika, i lirë
Gjergj Greco, i lirë
Juli Kacadej, i lirë
Adem Lika, i lirë
Dëshir Dakoli, burg.
Për shtetasit Dritan Koçi, Paulin Meta, Alben Diks, Qerim Doka dhe Gjon Zefi nuk u paraqit kërkesë për shqyrtim të masës së sigurisë.
Ata që u lanë të lirë janë me detyrim paraqitje. Asnjë nga të pandehurit e lënë në “Detyrim paraqitjeje” nuk u kthye në punë nga Gjykata e Apelit.
Operacioni policor “Abuzuesit”
Në fillim të muajit janar, policia e Durrësit prangosi 17 persona në kuadër të operacionit “Abuzuesit”. Mes të arrestuarve kishte zyrtarësh policie, inspektorë vendorë, përfaqësues të pushtetit lokal e ndërtues, të akuzuar për veprën penale “Shpërdorim detyre”, që është shtrirë përgjatë vitit 2019 në vende dhe kohë të ndryshme.
Arrestimi i tyre u bë në kuadër të një hetimi disa mujor, me metoda speciale, ku u dokumentua me prova ligjore veprimtaria e kundraligjshme e subjekteve të këtij procedimi, të cilët duke keqpërdorur atributet që u jepte detyra dhe funksioni, në bashkëpunim me njëri-tjetrin, por dhe me shtetas të tjerë, kanë konsumuar veprën penale të ‘Shpërdorimit të detyrës’ dhe ‘Ndërtim të paligjshëm, në bashkëpunim’.
Subjektet e këtij procedimi penal, kryenin funksione publike në Policinë e Shtetit, nëpunës të Njësive Administrative, IKMT-ve dhe INUV-it në Durrës, Shijak dhe Manzë.