Gjykata e Durrësit ka dhënë masën e sigurisë “Arrest me burg” për 3 të arrestuarit në kuadër të operacionit policor “Vollga”.
Prokurori i çështjes Madrid Kullolli kërkoi nga gjykata lënien në burg për shtetasit:
- Besmir Dashi, lindur ne Librazhd dhe banues ne fshatin Rrajce Librazhd, i pa denuar, për veprën penale të “Prodhimi dhe shitja e narkotikëve” parashikuar nga neni 283/2 i K.penal.
- Amir Troci, lindur ne Diber dhe banues ne Koder Kamez Tirane, i pa denuar, për veprën penale të “Prodhimi dhe shitja e narkotikëve” parashikuar nga neni 283/2 i K.penal.
- Nexhmi Uka, lindur ne Diber dhe banues ne Tirane, me arsim te mesem, i denuar per vepren penale te prodhim shitje te narkotikeve, për veprën penale të “Prodhimi dhe shitja e narkotikëve” parashikuar nga neni 283/2 i K.penal.
Ndërkohë, për shtetasin Alban Raita, lindur ne Diber dhe banues në Kodër Kamëz Tiranë, është dhënë masa e sigurisë “Detyrim paraqitje”.
Shtetasit e sipër përmendur u arrestuan nga policia e Durrësit, dy ditë më parë. Atyre iu sekuestruan 5 kg heroinë pranë rrethrrotullimit të Saukut në rrugën Tiranë-Elbasan. Efektivët ndërhynë në momentin që dy të rinjtë do të dorëzonin një sasi prej 5 kg heroinë dhe në këmbim do të merrnin një shumë prej gati 10 mijë eurosh. Atyre iu sekuestruan gjithashtu sasi monetare, 3 automjete e disa telefona.
Kerkesa nga prokurori Kullolli e pranuar nga gjykata u bë nisur nga fakti se ekzistojnë kushtet dhe kriteret për caktimin e një mase sigurimi në ngarkim të personave ndaj te cilëve zhvillohen hetime, pasi:
- Vepra penale e kryer, paraqet rrezikshmëri të lartë shoqërore,
- Për shkak se autorët dyshohen se kane kryer këtë vepër penale paraqesin individualisht rrezikshmëri te lartë shoqërore,
- Për shkak se veprimet dhe mosveprimet e kryera nga ana e autorit (ve) të veprës penale janë të tilla të cilat përligjin caktimin e një mase sigurimi ndaj tij,(tyre)
- Në ngarkim të autorit (ve) të veprës penale ekziston një dyshim i arsyeshëm, i bazuar në prova se ka kryer veprën penale.
- Në rastin konkret ndaj autorit (ve) të veprës penale nuk ka shkaqe padënueshmërie ose të shuarjes së veprës penale.
- Duke mbajtur parasysh përshtatshmërinë e masës së sigurimit me shkallën e nevojave të sigurimit që duhen marrë në rastin konkret, rezulton se masa e përshtatshme është ajo e arrestit në burg….
- Duke mbajtur parasysh se autoret e veprës penale mund të largohen dhe t'i fshihen hetimit.
- Duke mbajtur parasysh se autoret e dyshuar mund të kryejne vepra të tjera si kjo ose edhe më të rënda se kjo nëse nuk caktohet një masë sigurimi e përshtatshme ndaj tyre.
- Duke mbajtur parasysh se masa duhet të jetë në raport të drejtë me rëndësinë e faktit dhe me sanksionin që parashikohet për veprën penale konkrete, e cila parashikon dënim vetëm me burgim dhe më një sanksion nga shtate deri ne pesembedhjete vite burgim , etj